STJÖRNUHRÖP Á RÚV.

Niðurskurðarsveðjan þeysti inn í Háaleitið í vikulokin og hjuggust þar margir sprotar sem kalla má góðkunningja á skermum landsmanna.  Stofnunin hefur að mínum dómi fallið í þá gryfju að vera of "mainstream" í efnisvali og of lítill munur á ríkissjónvarpinu og hinum einkareknu stöðvum.  Einnig hafa hinar svokölluðu "stjörnuráðningar" eflaust kostað sitt.  Farartæki sjónvarpsstjórans hefur ennfremur verið mjög á milli tannanna á fólki og oftsinnis verið dregið fram til marks um flottræfilsháttinn.   En nú er partíið búið og breytingar í aðsigi.  Vonandi færa þær stöð allra landsmanna nær þeim sem nefskattinn borga.    

LÁ

Athugasemdir

[Jóna Kolbrún Garðarsdóttir, 23.1.2010 kl. 02:41]

Páll Magnússon hefði átt að byrja á sjálfum sér og segja af sér, svo reka ýmsa hlutdræga fréttamenn. 

[lydurarnason (IP-tala skráð) 23.1.2010 kl. 04:23]

Sæl, Jóna og ekki loku skotið fyrir að Páll fjúki.  Er reyndar sammála að það væri best fyrir stofnunina úr því sem komið er.

LÁ

[Hjálmtýr V Heiðdal, 23.1.2010 kl. 16:48]

Sæll Lýður

Þetta eru einkennilegar áherslur hjá Páli. Hann ætlar ekki að kaupa íslenskar kvikmyndir og mun skera stórlega niður innkaup frá íslenskum kvikmyndagerðarmönnum.

Hvað réttlætir tilveru Sjónvarpsins ef það er ekki flaggskip íslenskrar dagskrágerðar og kvikmynda? Það kom fram að hann sker ekki niður ýmsa skemmtiþætti þar sem þeir skila hagnaði! Það er ekki hægta að segja það skýrar hver hans stefna er. Enda er aðeins eina stefnumótandi grein að finna á vef RÚV og þar kemur fram að afþreying er í fyrsta sæti.

[lydurarnason (IP-tala skráð) 24.1.2010 kl. 06:47]

Sammála þér, HH, að skermi RÚV sig ekki af í íslenzkri dagskrárgerð er grundvöllur stofnunarinnar brostinn.   Batt vonir við Ðál á sínu tíma en því miður hafa áherzlur hans verið yfirborðs- og klisjukenndar.  Myndi vart versna með nýjum manni.

LÁ