ÓLÖGIN UM INNISTÆÐUTRYGGINGAR.

Skoðanakönnun í dag sýnir 6 af hverjum 10 ekki vilja borga krónu til icesave.  Sem þýðir að almenningur vill hundsa lagaverk það sem beinir ábyrgð gjörninga á einkamarkaði yfir á almenna skattgreiðendur.   Hefðu innistæðueigendur icesave t.d. grætt á ráðahagnum væri ekkert á borðinu en fyrst illa fór skal skuldabagginn vera okkar.  Allir hljóta að sjá rangindin í svona ólögum og þeim hlýtur að verða breytt.  Allur heimurinn getur verið sammála um að gefa áhættufjárfestum á almennum markaði ekki veð í velferðarkerfum sínum.   Þessum málstað ættum við íslendingar að flagga framan í umheiminn og hvika hvergi.  Það væri illt hlutskipti að taka á okkur byrðar icesave einhliða og horfa síðan upp á endurskoðun sama regluverks.  Látum icesave í salt og snúum okkur að brýnni málum, samningsstaða okkar mun héðan í frá ekki gera neitt annað en að batna.

LÁ    

Athugasemdir

[Þorður Sævar Jonsson (IP-tala skráð) 9.3.2010 kl. 04:59]

Fullkomlega sammála sammála þér.

[Jón Ásgeir Bjarnason, 9.3.2010 kl. 11:52]

Fullkomlega sammála sammála þér!   Ég líka....

[Magnús Helgi Björgvinsson, 9.3.2010 kl. 12:10]

Ef þessi túlkun þín er rétt þá er þetta ekkert mál. Ríkið innheimtir bara til baka allar innistæður í Landsbankanum  hér lendis og dreyfir þeim jafnt á alla innistæðueignedur Landsbankans þá fá allir meira en 20.880 evrur. En Íslenskir innistæðueigendur Landsbankans verða að borga til baka innistæður sem þeir hafa notað umfram það frá 8 október 2008. Því að við áttum ekki að bera ábyrgð á þeim  -skv. að "gefa áhættufjárfestum á almennum markaði ekki veð í velferðarkerfum sínum"!

Það er eins og menn séu búnir að gleyma því að Ísland er búið a kosta gríðarlegum upphæðum í að verja innistæður Íslendinga í Landsbankanum. A.m.k. 250 milljarða í skuldabréfi og meira til. Ef við hefðum látið Landsbankan fara í þrot heðfu allir innistæðueigendur átt jafnan rétt í innistæður, hvort sem þeir hétu Jón eða John. Og sama hvar þeir lögðu inn bankan. En við fórum þá leið að tryggja allar innistæður þeirra sem lögðu inn á Íslandi en ekki í London eðað Amsterdam þó þetta færi í sömu stofnun. Og síðan erum menn að pípa að við eigum ekki að borga skuldir einkaaðila, en sorry við erum að gera það! Við erum bara að mismuna innistæðueigendum eftir þjóðerni.

[Jakob Þór Haraldsson (IP-tala skráð) 9.3.2010 kl. 19:16]

Mjög vel orðað hjá þér: "Allir hljóta að sjá rangindin í svona ólögum og þeim hlýtur að verða breytt.  Allur heimurinn getur verið sammála um að gefa áhættufjárfestum á almennum markaði ekki veð í velferðarkerfum sínum.   Þessum málstað ættum við íslendingar að flagga framan í umheiminn og hvika hvergi.  Það væri illt hlutskipti að taka á okkur byrðar icesave einhliða og horfa síðan upp á endurskoðun sama regluverks."  Tek heilshugar undir þessar góðu hugleiðingar þínar, það er samhljómur með þeim & mínum!

kv. Heilbrigð skynsemi (fun.blog.is)

[lydurarnason (IP-tala skráð) 9.3.2010 kl. 21:07]

Varðandi athugasemd MHB er búið að álykta að miðað við kringumstæður hafi íslenskum stjórnvöldum verið stætt á innistæðutryggingu eigin landa á sínum tíma.  Sú ákvörðun er engu að síður í grunninn óréttlát.  En stjórnvöld allra hlutaðeigandi landa hafa gert sig sek um óréttlæti og hygl eigin hagsmuna, ekki íslendingr einir.  Lausn icesave ætti því að vera:  Ísland tekur helminginn á móti hollendingum og helminginn á móti bretum og vextir núll.  Þannig axla allar þjóðirnar ábyrgð og læra vonandi sína lexíu.

LÁ