LÖGVERNDAÐUR ÞJÓFNAÐUR.

Í öllu öldurótinu á Íslandi reynir hver sem getur að bjarga sér.   Eitt helsta bjargráðið er kennitöluflakk, þ.e. sé gjaldþrot yfirvofandi eru verðmæti yfirfærð á maka eða búin til ný eignarhaldsfélög.   Þannig ganga lánadrottnar að þrotabúinu tómu en skuldarinn nýtur djásnanna áfram undir nýjum formerkjum.   Segja má að hér sé um lögverndaðan þjófnað að ræða en eftir endalausa ágjöf í siðferðismálum er sýn samfélagsins orðin svo óskörp  að kennitöluflakk telst til snilldar.   Mjög er á reiki hvernig á þessum málum skal taka en ætli þjóðin sér siðferði í framtíðinni eru lög sem stöðva pláguna bráðnausynleg og  til að geta núllstillt samfélagið þurfa þau að vera afturvirk.

LÁ

Athugasemdir

[Guðrún (IP-tala skráð) 13.3.2010 kl. 11:46]

Og hinn almenni launamaður með foreldra sína aldraða veðsetta og húsið og bílinn er of heiðarlegur til að reyna þetta ? Afhverju ?

--

"Sælir eru fátækir því þeirra er himnaríki "

[árni (IP-tala skráð) 13.3.2010 kl. 13:53]

ég hef verið að furða mig á þessum gjörningum,þarf ekki eigandi veðs að samþykkja svona gjörning,þ.e. ef skuld hvílir á eigninni sem verið er að skjóta undan ?

[Þorður Sævar Jónsson (IP-tala skráð) 13.3.2010 kl. 14:34]

Það var athiglisvert viðtalið við Pálma í Fons í helgarblaði DV um þarsíðustu helgi.  Þar segir hann fullum fetum, að hann hafi ekki gert neitt ólöglegt.  Og líklega er það satt hjá honum....Það var spilað eftir regluverkinu sem stjórnvöld settu.  Það versta sem hefur komið fyrir hann, er það að henn getur ekki farið með börnunum í sund.  Og getur ekki sest inná kaffihús hér á landi.

[lydurarnason (IP-tala skráð) 13.3.2010 kl. 15:23]

Guðrún bendir réttilega á að heiðarleiki borgar sig ekki fyrr en á næsta þrepi.  Árni kemur með beinskeytta athugasemd en af umræðunni að dæma virðist fólki þetta í sjálfsvald sett, að minnsta kosti lítur svo út.  Og Þórður vísar í samfélagslega útlegð gerendanna sem er kannski einhverskonar mótvægi við ónýtan refsiramma.   Fortíðinni verður ekki breytt en hún getur og á að varða framtíðina.

LÁ

[Árni Gunnarsson, 13.3.2010 kl. 22:59]

Ég hef það svona á tilfinningunni að verði eitthvert brambolt í dómkerfinu í kjölfar skýrslunnar margnefndrar muni það virka sem kennsla í þjófnaði á æðri stigum.

Minni reyndar á að enn er talið eitthvað óljóst með endalok Baugsmálsins fræga en ef mér skjátlast ekki þá er það búið að hrekjast í fimm ár milli dómstiga.

Kannski misminnir mig. Þetta gæti verið lengri tími.

Sjáið þið fyrir ykkur endalok þeirra mála sem flestir telja sig sjá að muni lenda fyrir dómstólum; málum sem tengjast bankahruninu og fjármálasukki því tengdu?

[lydur arnason (IP-tala skráð) 14.3.2010 kl. 14:29]

Árni...  Varðandi endalok allra þessara mála er einsýnt að refsirammi er annaðhvort óburðugur eða ekki til.  Held því að flestir sleppi vel frá sínu.  Annað mál er svo hvort hleypa eigi þessum aðilum inn á leikvanginn á ný.  Mín afstaða er að gera það ekki.

LÁ