MINNI LÁN, MEIRA TRAUST.

Í Silfri dagsins kom loksins málsmetandi maður og fræddi landslýð eilítið um okkar svokölluðu lánsþörf.  Hún sé í raun engin og mun betra að auka traust fjárfesta á landinu með einbeittri skuldajöfnunarstefnu.   Í raun er þessi boðskapur ekkert annað en almenn skynsemi en síbyljan um einangrun og frystingu atvinnulífsins hefur ruglað okkur í ríminu á sama hátt og icesaveumræðan.  Þessi maður sagði reynsluleysi þjóðarinnar vera meginorsök undanlátsseminnar við lánadrottna og verði ekki á breyting  fari að hrikta í meginstoðum samfélagsins, tiltók hann sérstaklega löggæslu og menntun.    Alþingismenn ættu að veita svona varnaðarorðum athygli og afgreiða þau ekki sem "annarlegar hvatir",  það gæti leynst í þeim sannleikskorn.

LÁ

Athugasemdir

[Jóhann Elíasson, 15.3.2010 kl. 08:47]

Ég gat ekki skilið betur en, auk þess sem þú nefndir, að um væri að kenna stjórnleysi og hringlandahætti.

[lydurarnason (IP-tala skráð) 15.3.2010 kl. 12:07]

Jú, jú, Jóhann Elíasson, og við getum bætt við dómgreindarleysi og samstöðuleysi, ístöðuleysi, áhugaleysi og kjarkleysi.

LÁ

[Finnur Bárðarson, 15.3.2010 kl. 15:44]

Hm. málsmetandi maður ? Það eru nú ekki allir sammála um það.

[lydur arnason (IP-tala skráð) 15.3.2010 kl. 20:48]

Má vera, Finnur, að draga megi málsmat þessa manns í efa en sú afstaða sem hann viðraði  er að minnsta kosti innlegg í umræðuna sem bæði rétt og vert er að gaumgæfa.

LÁ

[Úmbarúmba (IP-tala skráð) 16.3.2010 kl. 09:30]

Lýður! Þú skuldar mér pening!

[lydur arnasaon (IP-tala skráð) 16.3.2010 kl. 15:04]

Félagi úmbarúmba!  Maður böggar ekki hundsyrgjandi mann með veraldlegu klinki.  Skammastu þín þó ég sakni þín!   LÁ