Lýður Árnason

7.5.2010 | 03:01

FYRSTI HANDTÖKUDAGURINN.

Margir hafa beðið eftir þessum degi, fyrsta handtökudeginum. Allt í einu situr útrásarvíkingur í fangelsi, steininum, grjótinu, dýflissu, einangrun. Aleinn í fleti, getur ekki einu sinni kveðið drundrímur nema við sjálfan sig. Vatn og brauð, mús, kannski klósett. Enginn einkaþota, þrúga né reiknivél. Allt farið, meira að segja fuji. Þetta er dásamlegt, yndislegt, algjört æði. Því má gera ráð fyrir mörgum íslendingum svífa yfir vötnum í nótt. Fréttamyndin af hinum ódæmda og loksins ótýnda glæpamanni ganga í fylgd lögreglumanna velgdi síðan svo um munaði og hefndarhugurinn rifjaði í skyndingu upp alla hina sem bíða sveittir í röðinni. Öll þessi nöfn sem komu landinu á hausinn, allar þessar helvítis grúppur og fríkirkjuvegir. Ráðherraábyrgð, landsdómur, ég held að sumarið verði gefandi, gróandi samfélagsins er loksins byrjaður og atburðir dagsins á við allan kartöflugarðinn heima. Ég spái því að innan tíðar verði vinsælasta starfið á Íslandi fangavarzla. Það getur bara ekki annað verið...

LÁ

Flokkur: Bloggar | Facebook

Athugasemdir

Vinur minn Steinn Steinar kvað: "ÚR ÞVÍ AÐ ÞEIR KROSSFESTU ÞIG KRISTUR, / HVAÐ GERA ÞEIR VIÐ RÆFIL EINS OG MIG ?".

Þorður Sævar Jonsson (IP-tala skráð) 7.5.2010 kl. 04:14

Þetta orti Steinn Steinarr ekki heldur Vilhjálmur frá Skáholti. Því miður verðum við víst litlu bættari nema andlega þótt allir Íslendingar verði fangelsaðir vegna glæpa sinna.

Ben.Ax. (Benedikt Jóhannes Axelsson), 7.5.2010 kl. 11:32

Það að þú skulir vera læknir er mér með öllu óskiljanlegt.

víkari (IP-tala skráð) 7.5.2010 kl. 13:06

botna ekkert í síðustu færslu.

Kári Harðarson, 7.5.2010 kl. 14:33

síðustu athugasemd, vildi ég sagt hafa.

Kári Harðarson, 7.5.2010 kl. 14:34

Kári, ég skil þetta þannig að hann (víkari) sé að segja þetta við Lýð. Lýður er læknir að ég held. Ég kýs að túlka það sem hann segir þannig að læknar eigi ekki að hafa skoðanir. Því er ég andvígur.

Sæmundur Bjarnason, 7.5.2010 kl. 17:02

Kæru pælarar.... Reyndar hef ég ætíð undrast að Halldór Ásgrímsson skuli vera endurskoðandi en auðvitað eru menn menn eða mýs og koma ekki fram undir nafni...

LÁ

lydurarnason (IP-tala skráð) 7.5.2010 kl. 17:13

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Lýður Árnason

Hafnfirðingur, læknir og kvikmyndagerðarmaður. Er í staðfestri sambúð með aragrúa barna. Ekki bindindismaður, ann einkaframtaki, Grími Atlasyni og hugmyndafræði hans 42,3%. Nýbyrjaður að vinna að gerð nýrrar stjórnarskrár í stjórnlagaráði.