ÞEGAR AUKAATRIÐI VERÐA AÐ AÐALATRIÐUM.

Alltaf kemur betur og betur í ljós smáborgaraháttur íslenzkra stjórnmála.  Nú skal loks sníða ráðherraembættin að 300 þúsund manna þjóð, hagræða og spara en þá vill auðvitað enginn missa sinn stól.    Nærtækasti kosturinn að mati vinstri grænna er að fórna utanþingsráðherrunum svo hinir geti haldið sínu.   Afhverju skjóta íslenzkir stjórnmálamenn sig aftur og aftur í sama fótinn, hví rísa þeir svona lágt? 

LÁ

Athugasemdir

[Gunnar Heiðarsson, 11.5.2010 kl. 07:56]

Auðvitað vill enginn fórna sínum stól.

Það er vel hugsandi að fækkun ráðuneyta sé vænlegur kostur, en vandamálið er ekki í fjölda ráðuneyta heldur stjórnun þeirra.

Ef fækka á ráðuneytum verður að liggja fyrir kostir og gallar þess, þegar það liggur fyrir er hægt að taka afstöðu til slíkra aðgerða, ekki fyrr.

Ef það verður ofaná að ráðuneytum verði fækkað, þarfa að sjá til þess að hæfir menn, með víðtæka þekkingu á því fagsviði sem ráðneytið snýr að, séu settir ráðherrar. Við höfum fengið nóg af misvitrum pólitíkusum í ráðherrastóla. Nægir þar að nefna að td var dýralæknir fjármálaráðherra í undanfara hrunsins og nú erum við með fiskifræðing með sérþekkingu á urriða í Þingvallavatni sem utanríkisráðherra.

Við fækkun ráðuneyta eykst vald ráðherra verulega. Því er spurning hvort ekki ætti samhliða umræðunni um fækkun ráðuneyta að ræða þann möguleika að fagráðherrar verði utan þings með sérþekkingu á því fagi sem að hverju ráðuneyti snýr.

[lydur arnason (IP-tala skráð) 11.5.2010 kl. 12:57]

Rétt hjá þér, Gunnar, að stjórnun ráðuneyta og fagmennsku er ábótavant en vandinn minnkar að umfangi við grisjun.

Kveðja, LÁ

[Marat (IP-tala skráð) 11.5.2010 kl. 17:48]

Jón Bjarnason er landbúnaðarfræðingur. Hann er landbúnaðarráðherra.

Við þyrftum þá utanríkisfræðing í utanríkisráðherrann, forsætisfræðing í forsætisráðuneytið, samgöngufræðing í samgönguráðuneytið, atvinnumálafræðing í atvinnuvegaráðuneytið, sjúkraliða í heilbrigðisráðuneytið, dómara í dómsmálaráðuneytið, fjármálaverkfræðing í fjármálaráðuneytið, viðskiptaséní í viðskiptaráðuneytið, trillukarl í sjávarútvegsráðuneytið, útivistarmann í umhverfisráðuneytið, prest í kirkjumálaráðuneytið, - og svo náttúrlega stjórnmálafræðinga sem þingmenn.

[lydurarnason (IP-tala skráð) 12.5.2010 kl. 02:05]

Menntun er ofmetin en getur verið veganesti þeim sem kunna með að fara.   Almenn skynsemi og ást á viðfangsefninu held ég mesta styrk góðs leiðtoga.

LÁ