ÞEIR BARA TÓKU OG TÓKU.

Eftir aragrúa af lögreglumyndum í bíóhúsum og sjónvarpi er sá veruleiki loks að festa sig í sessi á Íslandi.  Spennandi fréttir af handtökum og eftirlýsingum eru mun skemmtilegri en fjármála- og skuldafréttir endalaust.   Hratt flæðir undan útrásarvíkingunum og eflaust vilja fleiri þjóðir en við ná af þeim tali.  Skondið að allir þessir dáðadrengir sem fyrir eigi svo löngu töldust efsta lag samfélagsins eru nú ótýndir glæpamenn, flóttamenn og tugthúslimir.   Á stuttum valdatíma ómældrar peningahyggju voru dauðasyndirnar sjö eins og glyrnur í augum þjóðarsálarinnar og þeir sem þetta innleiddu nú týndir upp hver af öðrum.  Ekki vegna þess að þeir séu einir um meinið, löngunina.   Skepnan er breysk og í henni strengir, ósannir sem sannir.   Flestum tekst þó að halda ákveðnu jafnvægi sem gefendur og þiggjendur.   En missi þessir tveir pólar sjónar hvor af öðrum er voðinn vís.  Alveg eins og Drottinn sem gaf og tók þá tóku þessir menn eingöngu og tóku uns þeir gleymdu að gefa.   Og því er þeim vísað í tugthús þannig að þeir skynji og kannski hugsanlega líka læri að þessi hegðan er ekki í samræmi við almenna siðferðisstaðla, hvorki jarðnezka né himnezka.

LÁ

Athugasemdir

[Þorður Sævar Jonsson (IP-tala skráð) 12.5.2010 kl. 05:07]

Þetta er allt hreinasta hörmung......

[Edda Karlsdóttir (IP-tala skráð) 12.5.2010 kl. 15:27]

Að lesa Jakobsbréf 5. kafla í Biblíunni er eftirfarandi lýsing á ástandi síðustu daga og finnst mér hún lýsa vel því  sem við erum að upplifa núna:

Til auðmanna

Hlustið á, þið auðmenn, grátið og kveinið yfir þeim bágindum sem yfir ykkur munu koma. Auður ykkar er orðinn fúinn og klæði ykkar eru orðin mölétin, gull ykkar og silfur er orðið ryðbrunnið og ryðið á því mun verða ykkur til vitnis og éta hold ykkar eins og eldur. Þið hafið safnað fjársjóðum á síðustu dögum. Launin, sem þið hafið haft af verkamönnunum sem slógu lönd ykkar, hrópa og köll kornskurðarmannanna eru komin til eyrna Drottins hersveitanna. Þið hafið lifað í sællífi á jörðinni og í óhófi. Þið hafið alið hjörtu ykkar á slátrunardegi. Þið hafið sakfellt og drepið hinn réttláta. Hann veitir ykkur ekki viðnám.

[Þorður Sævar Jonsson (IP-tala skráð) 13.5.2010 kl. 01:10]

Meistari Jakob mælti svo:  1:19 :  Vitið,  bræður mínir elskaðir:  Hver maður skal vera fljótur til að heyra,  seinn til að tala,  seinn til reiði.  Því að reiði manns ávinnur ekki það,  sem rétt er fyrir guði.

PS.  Jón er kominn á lyftara hjá Bónus.