USS, PUSS OG PELAMÓ!

Háreysti og pústur skóku dómsal í dag, samankomnir mótmælendur hrunsins.  Þetta fólk sem andæfði í þingsölum á sínum tíma á yfir höfði sér sakfellingu og jafnvel fangelsisdóm.   Þetta fók sem andæfði sjálftöku og samgangi stjórnmálamanna við einstaklinga sem stríða nú við ákærur um stórfelld svik og  landráð.   Liggur ekki á borðinu að þetta fólk hafði rétt fyrir sér en stjórnmálamennirnir rangt?   Mótmælendurnir eru í líkri stöðu og andspyrnumenn stríðsins, tóku afstöðu og höfðu kjark til að framfylgja henni.   Og á svo að dæma þennan hóp eftir stríð fyrir uppreisn gegn valdstjórn sem var á villigötum?   Mikið á þessi þjóð bágt, hún hampar enn úr sér gengnu drasli á alþingi en færir þá sem þorðu að andæfa óréttlætinu til dóms.   Uss, puss og pelamó!

Athugasemdir

[Árni Gunnarsson, 13.5.2010 kl. 21:43]

Varaðu þig maður! Réttlætiskenndin og löghlýðnin flóir í allar áttir hér á blogginu vegna þessa fólks sem sýndi Alþingi ekki tilhlýðilega virðingu.

"Þú þarft ekki að láta tala svona við þig menntaðan manninn!" sagði forsetafrúin í Rúmeníu við mann sinn fimm mínútum áður en þau voru skotin.

[lydurarnason (IP-tala skráð) 14.5.2010 kl. 01:07]

Hrunaþingið á enga virðingu skilið, ekki þá og enn síður nú þegar maðkarnir eru komnir upp úr moldinni.  Sakaruppgjöf er það eina rétta í stöðunni.  Finnst þetta hinsvegar makalaus tilvitnun í fyrrum forsetahjú Rúmeníu.

LÁ

[Sigurgeir Jónsson, 15.5.2010 kl. 09:11]

Ef fordæmi verður gefið fyrir því að skríll geti fundið sér tilefni til að yfirtaka Alþingi án þess að fá dóm fyrir, þá verður stjórnarráðið næst.

[Sigurgeir Jónsson, 15.5.2010 kl. 09:17]

Og þá verður aðförin trúlega skipulagðari en sú sem gerð vará Alþingi.