UNDIN STJÓRNARSKRÁ.

Biblíur og stjórnarskrár eiga sameiginlegt að vera grundvöllur, trúarbragða annarsvegar, stjórnskipunar hinsvegar.   En gagnstætt jarðneskri tilveru beinast trúarbrögðin að einhverskonar huliðsheimum og samskiptin við guðina einatt persónuleg upplifun eða túlkun.   Í jarðtengdum samfélögum verða á hinn bóginn að gilda ein lög fyrir alla, einn ferill.  Þess vegna er stjórnarskrá þeim nauðsynlegur hornsteinn og komi upp ágreininingur um þjóðskipan á slík skrá að taka af allan vafa.   Þetta gerir hin íslenzka stjórnarskrá.  Hún segir allt um auðlindir sem segja þarf, hvernig umgengni skal háttað, bæði í hendi og bók.  En enginn fer eftir því.   Í mörg ár hafa stjórnmálamenn látið undan þrýstingi hagsmunaaðila eða kært sig kollótta um þreifingar þeirra.  Endurtekið hefur fólk sem kosið er á alþingi til að gæta hagsmuna heildarinnar leyft óleyfileg frávik frá stjórnarskrá og svo mörg eru þau orðin og svívirðileg að virðing fyrir þessari samfélagsbiblíu er uppurin.   Gangverk þessarar áralöngu háskabrautar afhjúpaðist í hruninu en í því kristallaðist liðsskipan samfélagsins, fjármagnseigendur og stjórnmálamenn gegn eigin þjóð.   En þetta fólk mun ekki leiða nýtt Ísland, það gera ný andlit sem birtast nú eitt af öðru.

LÁ 

Athugasemdir

[Níels A. Ársælsson., 17.5.2010 kl. 07:05]

50-60 þúsund tonn af þorski í sjóinn á hverju ári auk ótakmarkaðs vigtar og tegundarsvindls er allt sem segja þarf.

Bjóst einhver við öðru en því sem komið er fyrir þjóðinni ?

[pjakkurinn (IP-tala skráð) 17.5.2010 kl. 17:06]

Já Níels, þú af öllum mönnum ættir að kannast við brottkast og vigtarsvindl!!

[lydurarnason (IP-tala skráð) 17.5.2010 kl. 17:39]

Strákar mínir!  Hvort skiptir meira máli, hver kasti eða hvort?

LÁ

[Níels A. Ársælsson., 18.5.2010 kl. 06:38]

Já ég geri það en ég kannast ekkert við kanínu sem kallar sig "Pjakkurinn" og er skít hrædd og skjálfandi.