POKAVEIÐAR.

Sjávarútvegsráðherra er legið á hálsi af fræðingum hafrannsóknarstofnunar fyrir að banna dragnótaveiðar á innfjörðum.  Segja fræðingarnir engar rannsóknir styðji þá skoðun ráðherra að þannig veiðar séu öðrum óvistvænni.  Ekki veit ég hvort samanburðarrannsóknir séu til á berjatínslu með og án berjatínu.  Né garðslætti þar sem tekin er fyrir sláttuvél á móti heimalningi.   Hinsvegar liggja fyrir rannsóknir  sem  benda eindregið til að hross séu félagsverur.   Áður hljóta menn að hafa verið efins.  En þeir sem arkað hafa berjalönd þekkja vel muninn á handtíndum svæðum og pokatíndum og hvernig fiskifræðingar geta dæmt  að jöfnu pokaveiðar og krókaveiðar er í sjálfu sér verðugt rannsóknarefni.

 LÁ

Athugasemdir

[Níels A. Ársælsson., 20.6.2010 kl. 08:56]

Ha ha ha, góð samlíking ....

Það er ótrúlegt að þessir tveir svo kallaðir vísindamenn skulu leggjast svona lágt.

Nær hefði verið að þeir hefðu talað við nokkra sjómenn sem stundað hafa veiðar með dragnót inn á fjörðum og víkum áður en þeir lögðust á magann fyrir LÍÚ.

Áttu ekki enn myndbandið Lýður sem við tókum inn á Aðalvíkinni forðum daga sælla minninga ....?

[lydurarnason (IP-tala skráð) 20.6.2010 kl. 23:58]

Jú, aðmíráll, ræman er til og bönnuð innan 116.

LÁ