ÓNÝTT INNISTÆÐUTRYGGINGARÁKVÆÐI.

Nýkrýndur brezkur forsætisráðherra vill að íslendingar standi við hinar svokölluðu "skuldbindingar" sínar varðandi icesaveinnlán Landsbankans.  Íslenzkur almenningur hafði ekkert að gera með þessa svikamyllu og þetta innistæðutryggingaákvæði evrópubandalagsins svo vitlaust að enginn þjóð fær undir risið.  Enda hneigjast margir að því að ákvæðinu verði að breyta.   Tel bretum væri nær að afhenda okkur fleskbitana sem hrærðu þennan svikavelling allan í stað þess að skjóta yfir þá skjólshúsi.  Það er fáranlegt að horfa einungis á það atriði hvort þjófabankarnir hafi verið útibú eða dótturfyrirtæki þegar fallið kom.  Siðmenntaðar þjóðir deila með sér svona  oki og standa sameinaðar að handtöku hinna raunverulegu sökudólga.  Um þetta eiga ráðamenn að véla en ekki gjörónýtt innistæðutryggingarákvæði.

LÁ       

Athugasemdir

[Ólafur Guðmundsson, 22.6.2010 kl. 09:33]

Það kemur ekki annað til greina en að Íslendingar standi við sínar skuldbindingar. Ef að við ætlum að vera siðmenntuð þjóð þá stöndum við við okkar skuldbindingar. Sem betur fer eru allir siðmenntaðir stjórnmálamenn á þeirri skoðun.

Það er svo allt annað mál hverjar okkar skuldbindingar eru í sambandi við Icesave. Það er ágreiningsmálið.

[Níels A. Ársælsson., 22.6.2010 kl. 09:44]

Sendum þessum skepnum reikninginn fyrir þorskastríðin sem við háðum og annan reikning fyrir miljónum tonna af fiski sem þeir stálu frá íslenzkri þjóð í aldir.

[lydurarnason (IP-tala skráð) 22.6.2010 kl. 14:18]

Sælir strákar.  Athugum að íslenzkur almenningur skuldbatt sig ekki rass né rófu í viðskiptum við téða lánastofnun og ráðamenn hygldu fyrirbærinu sem einkavæðingu, blekktu þannig þjóðina.  Sammála þér, Ólafur, að ágreiningurinn felist í innihaldi skuldbindinganna og um slíkt semja siðmenntaðar þjóðir.  Á samningsviljann skortir og hallar sízt á Ísland í því efni.  Aðmírállinn hefur svo að venju mikið til síns máls með því að benda á rányrkju nýlenduveldanna um aldir.  En um hana virðast gilda sömu lög og um útrásina:  Ránsfeng er ekki skilað en allt annað innheimt.

LÁ