AÐ TITTLINGA SIÐ.

Kvenmannsklæddur blastaði borgarstjóri á sviði hinsegindaga og storkaði örlögunum.  Kveina sumir og vilja að majórinn klæðist að tittlinga sið, bindi, flibbahnappur, armaní og kó.   Sjálfum fannst mér myndin  einlæg, Gnarrbrosið brjótast vel fram í rósalíninu og borgarstjórinn ekkert síðri kvenmannsklæddur.  Hvort þetta séu trúðslæti eður ei varðar mig engu, heldur ekki hvort borgarstjórinn sé hommi eða kynskiptingur, náttúrulaus eða masó.  Jú, reyndar væri slæmt að hafa náttúrulausan borgarstjóra, var ekki þarþarsíðasti eða þarþarþarsíðasti þannig?  Eins og aðrar pólitískar keilur liggur Jón Gnarr undir ámælum en hvorki fyrir spillingu né óráðsíu.    Það nægir að sinni.

LÁ  

Athugasemdir

[Solla stirða (IP-tala skráð) 6.8.2010 kl. 10:40]

Það er bara krydd í tilveruna þegar karlar klæða sig í gervi kvenna og ekki mun Jón Gnarr vera einn pólitíkusa um að gera slíkt á tillidögum. En mér fannst reyndar borgarstjórinn krúttlegri í brúðarkjólnum á Tvíhöfða disknum um árið, en það er allt annað mál.

[lydurarnason (IP-tala skráð) 6.8.2010 kl. 13:55]

Held að alþingismenn og konur mættu líka bregða sér í búninga öðru hvoru, ekki veitir af að poppa þá stofnun örlítið upp.

LÁ

[Ben.Ax. (Benedikt Jóhannes Axelsson), 6.8.2010 kl. 17:08]

Kunningi minn bað mig um að skrifa eftirfarandi vísu hérna og geri ég það fyrir hann þótt mér sé það þvert um geð enda er vísan bæði illa ort og efnið út í hött.

Borgarstjóri við væl og víl
verður að glíma.
Veður um í vetnisbíl
í villu og svíma.