LÍFRÓÐUR KIRKJUNNAR.

Klerkurinn í Reykholti hefur löngum verið barn síns tíma, steingerður í fasi, framkomu og skoðunum ekki sízt.  Hann má þó eiga eitt:  Hann er skýr og skorinn.  Þjóðkirkjan gæti í því tekið séra Geir sér til fyrirmyndar.  Óafdráttarlaus afstaða, aðgerðaleysi og ákvarðanafælni eru fánar hennar og blakta við hún.  Nafnið þjóðkirkja er skömm orðin og andleg leiðsögn óvirk.  Orð séra Geirs stríða á móti almennri siðferðisvitund og andsvar biskups gefur litlar vonir.   Með andvaraleysi sínu grefur þjóðkirkjan  hratt undan sjálfri sér sem er sorglegt því innihaldið er til staðar og á fullt erindi.  Vona launamenn almættisins taki nú höndum saman og höggvi af fúakvistina.  Tíminn er að renna út.

LÁ

Athugasemdir

[Sigurgeir Jónsson, 21.8.2010 kl. 22:31]

Þarf ekki klerkurinn að leita sér læknishjálpar.

[lydurarnason (IP-tala skráð) 22.8.2010 kl. 13:24]

Gaman að heyra í þér, Sigurgeir Jónsson...   Tel læknishjálp duga lítt á fornminjar en hugsanlega formalín.  Ætli sé ekki bezt að guð hjálpi manninum.

LÁ

[Guðrún María Óskarsdóttir., 23.8.2010 kl. 02:22]

Góður pistill Lýður.

kv.Guðrún María.