SKRÚÐGANGA ÞAGNARINNAR.

Aðskilnaður ríkis og kirkju fær nú byr undir báða vængi enda ærin tilefni.  Sjúkur maður komst til æðstu metorða og myndaði um sig skjaldborg sem nú þarf að standa reikningsskil.  Gerum okkur þó grein fyrir að þeir aðilar voru ekki gerendur þó viðleitni þeirra hafi verið röng.  Margur íslendingurinn er einmitt í þessum sama pytti, þeim að hafa haft veður eða vitnezkju af slæmum hlutum en kosið að þegja.   Fjölmargir bera nú blak af sjálfum sér og mótsagnirnar leyna sér ekki.  Við getum spurt:  Á sjálfstæðisflokkurinn erindi í ríkisstjórn?  Eða framsókn?  Jafnvel samfylking?  Verðskulda Davíð og Halldór sín eftirlaun?  Afhverju eru hrunráðherrar ennþá ráðherrar?   Er eðlilegt að fjárglæframenn kreppunnar séu enn gjaldgengir?  Og er þjóðkirkjan þess verð að bera sinn titil?  Ótal margt er á reiki í íslenzku samfélagi og þöggunin ekki að hjálpa.  Vilji biskup þjóðinni og kirkjunni vel þá taki hann hatt sinn og staf.  Með því gæfi hann öðrum fordæmi og gæti leitt skrúðgöngu þagnarinnar.

LÁ   

Athugasemdir

[doctore (IP-tala skráð) 27.8.2010 kl. 12:49]

Hver sá sem veit af nauðgunum, barnaníð og gerir ekkert, sá hinn sami er meðsekur níðingnum... það er ekki neinn millivegur með það.

Og auðvitað þarf líka að losa sig við þá glæpamenn og vitleysinga sem eru hér á landi... ég bara óttast að það þurfi jafnvel byltingu til að ná mafíum íslands af okkur

[baldvin berndsen (IP-tala skráð) 27.8.2010 kl. 13:55]

Það er orðið nokkuð ljóst að við getum ekki lengur beðið með að skilja að ríki og kirkju, því þetta dæmi sýnir okkur í hnotskurn að ríkið, og þá um leið við þjóðin, getur ekki leyft svona athæfi í okkar nafni.  Einnig ber að granskoða hvort saksóknari ríkisins, á þessum tíma, sé ekki sekur um yfirhylmingu þegar hann sá ekki ástæðu til að rannsaka þetta mál.

[Þorður Sævar Jonsson (IP-tala skráð) 27.8.2010 kl. 14:23]

Ég bara spyr;  Hverjir eru hinir vammlausu ?  Eru þeir kannski í textanum hjá Ingó og Veðurguðunum ?

[Baldur Fjölnisson, 27.8.2010 kl. 21:28]

Þorparinn fyrir vestan hittir algjörlega naglann á hausinn.

[lydurarnason (IP-tala skráð) 28.8.2010 kl. 02:01]

Kannski er þetta spurning hverju menn kjósa að trúa.  Sé sannleikurinn of yfirþyrmandi grípa margir til þess ráðs að líta annað eða hafa hann hálfan.

LÁ