ÞJÓÐARBLÓM MEÐ TITRANDI TÁR.

Á sviðnum akri lýðveldisins má loksins sjá vaxtarsprota.   Þeir eru þó ekki nýjir heldur gömlu plönturnar afturvaxnar.  Þekktasta plantan, ríkasti íslendingurinn (svikamyllus major) sem féll með stæl í fárviðrinu er farinn að breiða úr kímblöðum sínum og mílusteinninn (svikamyllus minor) sást stinga sér upp úr jörðinni í gær.  Bónusartvíæringurinn (papa diet) virðist koma vel undan vetri og töluverð spretta á sendiherrasyninum (bullous maximus).   Arkitektar skrúðgarðsins sóla sig nú annarsstaðar og arftakar þeirra spilandi ráðherrakapla úti á túni.  Eftir nokkra mánuði verður landið aftur ein samfelld, iðandi arfabreiða.  Á mel stendur þjóðarblóm með titrandi tár, furðu lostið yfir kosningunni.

LÁ

Athugasemdir

[Þorður Sævar Jonsson (IP-tala skráð) 4.9.2010 kl. 01:57]

Maður setur hljóðan....................

[Jóna Kolbrún Garðarsdóttir, 5.9.2010 kl. 00:20]

Ég fékk nú hláturskast þegar ég las (svikamyllus major).  (Svikamyllus minor), (papa diet) og (bullous maximus)