KREPPA Í HVERJU?

Kreppan búin?  Í það minnsta langt komin?  Svo segja stjórnvöld, botninum sé náð og nú stefni allt uppávið.  Nefna í sömu andrá verðbólgu, stýrivexti, minna atvinnuleysi og styrkingu krónunnar.  Hugsanlega segja þessar hagstjórnarstikur sittvað um gang mála en ansi held ég mörgum sé þröngur kostur búinn og möguleikar til bjargráða lítill.  Skattheimta ríkisstjórnarinnar er heldur ekki að glæða hyggjuvit né framtak en einmitt með því ætti að auka skattstofninn.  Ennfremur virðast gresjur viðskiptalífsins illa girtar og fólk flengríðandi óhindrað með ránsfengi sína.  Stjórnlagaþing skal hefja störf á komandi vetri en sú vinna er ætti að vera að baki.  Auðlindamál eru í ólestri og kaupendur og seljendur í frjálsu falli.  Enginn skilur upp né niður í vinnubrögðum banka og skilanefnda, nefnd um sjávarútvegsmál virðist ætla að kollvarpa hugmyndum ríkisstjórnarinnar um fiskveiðistjórnun sem hljóta því að hafa verið galnar.  Kórónan er svo hið ótímabæra evrópurall, en líkja má því við sex manna fjölskyldu sem á von á fjölgun, stendur í flutningum og fær sér hvolp að auki.   Vinnusemi ríkisstjórnarinnar verður samt ekki dregin í efa, allir virðast eitthvað vera að bardúsast þó róðratökin séu langt í frá samstæð.  Ríkisstjórnin nýtur þó enn góðs af forverum sínum og líflínan því drýgri en í venjulegu árferði.

LÁ

Athugasemdir

[Níels A. Ársælsson., 7.9.2010 kl. 08:52]

Þessi skaðmenntuðu lítilmenni eru svo heimskt og skilja ekki á hverju við lifum og halda að maturinn verði til í Bónus.

Ég er farinn að skilja hugsunarhátt rauðu knerana.

[Þorður Sævar Jonsson (IP-tala skráð) 7.9.2010 kl. 12:08]

Hverju orði sannara.  Hvar sem borið er niður, blasir við tómt rugl og vitleysa.  Alvarlegra en svo, að hægt sé að hlægja.

Rauðu knerarnir ?  Varla meiri vitleysa en hvað annað sem nú er í gangi.  Sammála Niels vini mínum.

[pjakkurinn (IP-tala skráð) 8.9.2010 kl. 21:12]

Heyr,heyr!