SIGURGANGA JÓNS Á ENDA?

Þegar ljóst var að Jón Gnarr myndi velgja gömlu flokkunum undir uggum kættust margir.  Meðal annars ég.  Eins og fleirum fannst mér virkilega kominn tími á nýjabrum á sviði stjórnmálanna og Jón ekki verri en hver annar.  Uppgangur Jóns var ævintýri líkastur og að hann skuli vera orðinn borgarstjóri óraunverulegt.  Kannski Jón sé nú að vakna upp í martröð sem hann ekki sá fyrir.   Hugsanlega er hrútleiðinlegt fyrir skapandi fólk að vera borgarstjóri.  Jafnvel þarf allt aðra eiginleika í svona starf en fyndni.  Hroki kom mörgum vel og sjálfvitaháttur.  Jón Gnarr er hvorugt.  Svo virðist að tvær grímur séu farnar að renna á Jón og önnur ætluð Degi.  Krumlur stjórnmálanna eru eflaust óvægnar og þetta kannski vænsti kostur Jóns í stöðunni, hver veit?  En framundan er steinsmuga Bezta Flokksins og líf hans í hættu.  Sem er vont því flokkurinn var og er enn eitt helsta vonarstrá þjóðarinnar gegn fjórflokknum.  Hvet innstu koppa Bezta Flokksins að hugsa nú vel sinn gang því eitt og annað veltur á ýmsu.

LÁ 

Athugasemdir

[Jón Pétur Líndal, 20.10.2010 kl. 10:19]

Ferill Jóns minnir á rakettu. Rauk upp vinsældalista kjósenda með látum. Svo heyrðist smá púff og nú bíða allir eftir meiru? Kemur eitthvað meira frá Jóni rakettu? Líklega ekki.

[Árni Gunnarsson, 20.10.2010 kl. 13:04]

Þessi pólitíski eldflaugarpolki Jóns Gnarr var aldrei annað en staðfesting kjósenda á pólitískum hörmungarferli gömlu flokkanna og svona eins og upprétt hönd í kveðjuskyni.

Ég var einn þeirra sem trúði því að Gnarrið reyndist skár en margir bjuggust við.

Nú sýnst mér aftur á móti að hann hafi reynst hálfu heimskari en hann lofaði.

Verður tæpast sakaður um kosningasvik. 

[sigurður j hafberg (IP-tala skráð) 20.10.2010 kl. 14:07]

Sæll félagi. Mér finnst menn fjlótir að afskrifa Gnarrinn. Þetta er allt saman liður í áætlun. Honum hefur tekist að pirra kellingarnar í FLokknum all rækilega og Sóleyju líka. Það eitt segir manni að hann sé á réttri braut.

[lydurarnason (IP-tala skráð) 20.10.2010 kl. 14:13]

Skemmtilegar myndlíkingar, strákar, og sannleikskyrndar.  Pirringur kevnpeningsins er segin saga en um afskriftina sér Jón sjálfur.

LÁ

[Þorður Sævar Jonsson (IP-tala skráð) 20.10.2010 kl. 19:42]

Jón Gnarr? --- Er vandamál.