KIRKJA MEÐ BUXURNAR Á HÆLUNUM.

Sálgæsla og fræðsla kirkjunnar manna í skólum borgarinnar skal nú afþökkuð og er það mat mannréttindaráðs.  Jafnvel sálmasöng skal ýta til hliðar.  Þykir mörgum þetta súrt enda löng hefð að baki.  En sitt sýnist hverjum um trú og erfitt að sameina sjónarmið undir einn hatt.  Þess ber þó að geta að aðskilnaður ríkis og kirkju hefur enn ekki átt sér stað og þjónusta hennar því enn hornsteinn okkar samfélags.  Önnur samfélög hafa svo sína hornsteina.  Æskilegast væri að efna til þjóðaratvæðagreiðslu um aðskilnað ríkis og kirkju eða ekki.  Hún myndi gefa vísbendingu um hvert skyldi halda.   Andbyr kirkjunnar nú má eflaust rekja að einhverju leyti til þess að kirkjunnar menn hafa legið undir ámælum fyrir kenndir sínar og ákvarðanafælni.    Og vissulega mega sumir fara að hysja upp um sig buxurnar.  Gleymum þó ekki boðskapnum, sjálfu fagnaðarerindinu sem reynst hefur þjóðinni svo vel í 1000 ár.  Með smá kraftbirtingu gæti það áfram átt með okkur samleið og gert okkur að enn betri mönnum. 

LÁ

Athugasemdir

[Ben.Ax. (Benedikt Jóhannes Axelsson), 21.10.2010 kl. 09:09]

Ég legg hér með til að ekkert verði kennt í skólum framar og engum hleypt inn í þá nema prestum.

[Freyr Bergsteinsson, 21.10.2010 kl. 16:54]

Kirkjur eru opnar alla daga fyrir alla. Öllum velkomið að koma með börnin í sunnudagsskóla. KFUM/K standa fyrir gríðarmiklu lýðæskustarfi. Það er allt til alls fyrir þá sem vilja kirkjuna.

Það er hins vegar ekki svo fyrir þá sem vilja hana ekki, enda er skólaskylda á Íslandi - börn verða að mæta í skóla samkvæmt lögum, sama hverrar trúar það er. Það að slíta kirkjustarf og skólastarf í sundur er skref í rétta átt fyrir þá sem vilja sýna umbyrðarlyndi.

Því miður virðist kristna siðgæðið ekki skína í gegn þegar það kemur að þessum málum, en eitt er á hreinu - það er ekki verið að taka kristni í burt, það er ekki verið að taka kirkjuna í burt, það er ekki verið að taka jólin í burtu, það er einungis verið að sýna þeim sem ekki vilja með kirkjuna að gera þau mannréttindi að fá að velja sjálf.

[Freyr Bergsteinsson, 21.10.2010 kl. 16:56]

Og ég vil endilega bæta við að það er ekki verið að taka trúarbragðafræðslu í burt, það virðist vera mikill miskilningur um það. Trúarbragðafræsla á hins vegar til vera hlutverk skólans, en ekki presta.

[lydurarnason (IP-tala skráð) 21.10.2010 kl. 22:48]

Held marga foreldra skólabarna séu ekki endilega að leita eftir virku kirkjustarfi fyrir börnin heldur einungis tengja samskipti við presta sem eðlilegan hluta af menningu okkar og að kirkjan sé ekki endilega víti sem ber að varast.  Tel afslappað viðhorf heillarýgst og rangt að úthýsa kristnum gildum úr skólunum.  Hinsvegar er tímabært að kanna viðhorf þjóðarinnar til þjóðkirkjunnar með þjóðaratkvæðagreiðslu.  Út frá þeirri niðurstöðu mætti svo endurmeta hlutina.

LÁ 

[Freyr Bergsteinsson, 21.10.2010 kl. 23:09]

Ágætis punktar hjá þér. Auðvitað á kirkjan sín sess í menningu okkar, og persónulega sé ég ekkert að því að hún sé að vinna með krökkum í sínu nánasta umhverfi til að einmitt efla þessi samskipti sem þú talar um. Það virðist bara gleymast að fólk á að hafa val. Krakkar sem fara í skóla hafa ekkert val. Eina valið er að vera tekinn út úr hópnum, félagslega einangraður, á meðan aðrir gera "það sem er sjálfsagt," að fara í kirkju. Er það val? Á þessi hópur að líða fyrir menningu okkar? Væri ekki eðlilegra að hafa þetta á tíma sem er utan skyldumætingu allra landsmanna, nefnilega skólana?

[Vilhjálmur (IP-tala skráð) 21.10.2010 kl. 23:13]

Freyr,

  Þú sýnir mikinn misskilning. Það á að taka meira og minna allt út úr kennslunni, þar sem hægt er að segja að trúin sé iðkuð. Þannig er það bara. Er það ekki hjátkátlega þegar 90% þjóðarinnar er kristið, og líklega helmingurinn af hinum sem eftir eru, er sama um hvort, einhvers konar trúarlegar skírskotanir eru.

  Síðan er það nú bara þannig að trú, og menning eru svo samofin að ómögulegt er að greina þarna á milli fyrir "grátkórinn", sem vill traðka á mannréttindum.

  Hvernig það getur tallist trúboð, þegar fulltrúar frá kirkju koma og tala um trúnna??  Þetta er ekki trúboð. Þú verður að kynna þér málið betur. Þú villt eflaust vel, en misskilur málið bara, eins og margir aðrir. Ekki láta áróður Siðmenntar, og fleiri sem reyna að dreifa honum út um allt hafa áhrif á þig.

[Hilmar Einarsson, 21.10.2010 kl. 23:25]

Hefur ekki nokkrum kjafti sem er með þetta endalausa söngl um "aðskilnað ríkis og kirkju" dottið í hug að athuga hver raunveruleg staða málsins er í dag.

Hin eiginlegi aðskilnaður ríkis og kirkju hefur fyrir löngu fari fram.

Íslenska þjóðkirkjan er einfaldlega sjálfstæð óháð kirkjudeild sem er algjörlega laus undan boðvaldi ríkisins. Það er meira að segja búið að leggja niður heitið kirkjumálaráðuneyti.

Þvílík fávísi.....

[Freyr Bergsteinsson, 22.10.2010 kl. 00:31]

Nú já, ég hlýt að hafa misskilið þetta eitthvað svakalega og biðst afsökunar á því. Ég verð að viðurkenna að ég hef ekki kynnt mér áróður Siðmenntar, heldur einungis lesið ályktunina frá mannréttindaráði Reykjavíkur sem og skýrslu mennta- og skólasviðs frá 2007 sem tengist þessu máli (skýrsla hér, mæli með henni: http://www.reykjavik.is/Portaldata/1/Resources/skjol/svid/menntasvid/pdf_skjol/utgafur/leikskolar/ymislegt/truar-_og_lifsskodunarh_pa.pdf).

Eina sem ég veit er að mér finnst það rangt að mismuna börnum eftir trú þeirra eða foreldra þeirra og að títt rædd mannréttindabrot liggur ekki í að taka presta frá skólastarfi heldur að taka börn frá skólastarfi.

En hvað veit ég. Ég er bara fávís.

[lydurarnason (IP-tala skráð) 22.10.2010 kl. 03:53]

Held Freyr sé ekki að misskilja neitt en kannski er aðalmálið trúarskoðun foreldranna, ekki barnsins.  Það eru foreldrarnir sem ákveða "einangrun barnsins" með því að mæla svo fyrir.  Held hinsvegar að barnshugurinn sé á allt öðru plani hvað þetta varðar en fullorðinshugurinn og mæli því enn og aftur með afslöppuðu hugarfari foreldra.   Barnið mun ákveða sína trú eða trúleysi þegar þar að kemur, alveg eins og við hin.  Heimsóknir presta, sálmasöngur eða búddamunkar munu engu breyta um það.  Ósammála Hilmari hinsvegar um sjálfstæði kirkjunnar.  Hún er á fjárlögum og því ekki sjálfstæð.  Fávísinni vísa ég því til föðurhúsa....

LÁ

[Freyr Bergsteinsson, 22.10.2010 kl. 14:14]

Það er nú málið að foreldrar vilja helst ekki að börnin sín líði illa eða sé mismunað. Aðeins þeir hörðustu hafa sett börnin sín í þessa svokallaða einangrun, á meðan allir hinir (sem hafa ekki áhuga á kirkjunni) hafa enga aðra kosti og láta börnin sín frekar fylgja flóðinu. Það nennir ekki að standa í veseninu að mótmæla þessu. Það versta er síðan, að kirkjan notar þetta fólk í tölunum sínum (heyri oft 90% á blogssíðum, en skv viðhorfarannsókn Gallups frá feb-mars 2004 eru þeir sem "játa kristna trú" 76.3%) yfir því hverjir hreinlega vilja hafa þetta svona. Þetta er að mínu mati ekki sanngjarnt.

Þar að auki skiptir hlutfallið ekki máli. Það á ekki að skerða rétt fólks eða neyða það til að gera það sem það vill ekki gera hvort sem það eru 1% eða 90%. Ég endurtek að þetta mál snýst ekki um trú heldur um það að hafa möguleikan til að velja. Þessi umræða gildir, hvort sem það eru prestar, stjórnmálamenn, eða aðrir aðilar sem tengjast hluti sem við eigum að vera frjáls til að velja sjálf.

Fólk er ekki neytt til að fara í Breiðablik á skólatíma, fólki er ekki neytt til að fara í Samfylkinguna á skólatíma, en þegar það kemur að kirkjunni, þá virðist öll slík rök fjúka út í veður og vind.

[lydur arnason (IP-tala skráð) 22.10.2010 kl. 18:32]

Sko, Freyr...  Hafa krakkarnir svo sterka skoðun á trúmálum að það sé í þeirra huga "prinsipp" að sniðganga allt sem tengist trúnni.  Held þetta endurspegli fremur viðhorf foreldranna en barnanna og þá komum við aftur að spurningunni um val.  Mega börnin ekki bara ráða þessu sjálf?

LÁ

[Freyr Bergsteinsson, 22.10.2010 kl. 19:15]

Samkvæmt lögum þá eru foreldrar og forráðamenn þeir sem ráða ferðum og eru ábyrg barna sinna þar til þau verða sjálfráða, 16 ára. Auðvitað hafa börn enga skoðun á því í hvaða trúfélagi þau eru, en það er hlutverk foreldra að stýra því, ekki skólanna.

[Freyr Bergsteinsson, 22.10.2010 kl. 19:18]

Fyrir utan það þá er ekki verið að tala um að sniðganga allt sem tengist trúnni. Það verða ennþá trúarlegar hefðir og verkefni í skólunum. Jólin verða ennþá á sínum stað og fræslan um fæðingu Jesú, sem og páskar og allar aðrar kristnar menningarhefðir. En þetta er það sem er fræðandi og skólinn sér um. Umræðan snýst fyrst og fremst um að fólki hafi val hvort kirkjuferðir eða prestaheimsóknir í skóla séu stundaðar.

[lydurarnason (IP-tala skráð) 22.10.2010 kl. 22:31]

Einmitt, Freyr, foreldrar eru forráðamenn barnanna og því þeirra viðhorf sem ræður.  Og er þetta spurning um íveru í trúfélagi?  Ég veit ekki til þess að ívera í trúfélagi eða ekki íþyngi skólabörnum og enn síður að verið sé að reyna stýra því.  Samþykki hinsvegar að sé þetta stórt atriði í hugum margra ber að endurskoða þetta kirkjustarf.

LÁ