SAMVIZKAN ER HARÐUR HÚSBÓNDI.

Titringur er nú í gangi vegna umsóknar okkar í ESB.  Sjálfur tel ég vænna að standa utan við þetta bandalag en úr því sem komið er skal standa við samþykkt alþingis.  Stjórnarsáttmálinn sagði það ætlun ríkisstjórnarinnar að bera þetta mál undir atkvæði og það var gert.  Hann sagði líka að hver þingmaður ætti að greiða atkvæði samkvæmt samvizku sinni, það hinsvegar fór á annan veg enda hótun um stjórnarslit yfirvofandi.  Þessi svik samfylkingar og undanlátssemi vinstri grænna ráku málið í þann farveg sem það nú er í.   Fyrir báða flokka hneisa.  Þjóðaratkvæðagreiðsla um aðildarumsóknina átti að fara fram í byrjum stjórnarsamstarfsins, það hefði verið í anda þeirra lýðræðisumbóta sem stjórnarflokkarnir boðuðu fyrir kosningar.  Þá hefði ríkisstjórnin fengið umboð til málsins eða ekki í stað þessarar þröngvunar.  Nógur tími hefur farið í þessa vitleysu og nú illskást að klára pakkann.  En endi þjóðin í ESB geta þeir þingmenn vinstri grænna sem greiddu atkvæði gegn sannfæringu sinni þurft á uppáskrift að halda.

LÁ

Athugasemdir

[H. Valsson (IP-tala skráð) 24.10.2010 kl. 07:56]

Nei, við eigum ekki að láta það yfir okkur ganga að standa við samþykkt alþingis. Eva Joly segir að við eigum að ganga í ESB vegna þess að höfum svo margt sem ESB geti hagnast á og þar með verið verið í frábærri samningsaðstöðu, já já, trúum bara því og látum segja okkur fyrir verkum enn og aftur.

Ég er að setja af stað hreyfingu fólks sem kíkir á bakvið tjöldin og grefur ofan í málin til að fá sannleikann upp á yfirborðið vegna þess að ég treysti ekki stjórnvöldum til þess. Hvaðan koma þeir peningar sem AGS lána okkur t.d.?
Þekkirðu einhvern sem þekkir til þessa mála og hefur reynslu og sérfræðiþekkingu á t.d. stjórnmála-, laga- og efnahagssviðinu?

[Gísli Ingvarsson, 24.10.2010 kl. 10:12]

Hörður telur að hægt að taka ákvörðun áður en samningur liggur fyrir. Kannski er það hægt fyrir hvert og eitt okkar persónulega. Aðkoma þjóðarinnar að málinu krefst hinsvegar umræðu og samnings til að taka afstöðu til. Aææt annað er þöggun og af því erum við öll búin að fá upp í hálsinn af.

[Númi (IP-tala skráð) 24.10.2010 kl. 10:22]

Alvarleiki þarna á ferðinni að mínu mati.Það er aðlögunarferli hafið án vitundar þjóðarinnar,sviksemi þá sérstaklega Samfylkingarinnar er borðleggjandi,og aulaháttur VG er til skammar.Hræðsluáróðri á hæstu stigum er haldið uppi gagnvart vængbrotinni þjóðinni,og hún kaffærð á bulli Samfylkingarinnar.Það er verið að ljúga fullveldið af þjóðinni,við eigum ekki að láta svona líðast.

[lydurarnason (IP-tala skráð) 24.10.2010 kl. 12:36]

Sælir strákar.  Stærsti vandinn er traust alþingis sem er ekkert.  Þó okkur hugnist ekki innganga í ESB er illt að vilja hundsa samþykktir þingsins gangi þær ekki samkvæmt okkar vilja.  Höfum fengið nasaþefinn af tengslum AGS og voldugustu ESB-ríkjanna og ekki ótrúlegt að hvort hafi áhrif á hitt.  Þekki þó engan sem gæti sannað slíkt.  Mæli með að taka slaginn og halda okkar sjónarmiðum uppi sem vali en ekki þröngvun.

LÁ

[Hrólfur Þ Hraundal, 24.10.2010 kl. 13:31]

Ég vek athygli á að þjóðin hefur aldrei beðið um aðild að ESB eða könnun á því hvað væri í pakkanum. 

Það var heigullinn fláráði hann Steingrímur sem laug að kjósendum sínum og gaf gömlu konunni heimild til að eiða nokkrum miljörðum sér til ánægu í ellinni , en engum að gagni og allra síst sjúkum og öldruðum í þessu landi

[Kolbrún Hilmars, 24.10.2010 kl. 15:18]

Mér finnst léleg afsökun að halda áfram þessu aðildarferli vegna þess að Alþingi hafi ákveðið það! Samþykktin á Alþingi var upphaflega um að fara í samingaviðræður og "skoða hvað væri í pakkanum" en ekki aðlögunarferli. Þar má því setja stórt efasemdarmerki!

Nú má vel vera að þingmönnum hafi verið upplýstir bak við tjöldin um hvað málið snerist í rauninni, en það bætir ekki þeirra málstað - síður en svo.

Alþingi sem nýtur innan við 10% trausts meðal almennings á ekkert með að taka svona afdrifaríkar ákvarðanir fyrir hönd þjóðarinnar.

[lydurarnason (IP-tala skráð) 24.10.2010 kl. 15:49]

Algjörlega sammála að þessi ESB-pakki allur saman er runninn undan rifjum eins stjórnmálaflokks.  Líka að þjóðin bað ekki um þennan skramba.  En við eigum að taka umræðuna og knésetja umsóknina með rökum.  Klára þetta í eitt skipti fyrir öll og halda svo áfram  Þjóðarvilji þarf að koma fram í þessu máli í atkvæðagreiðslu og alþingi virða niðurstöðuna.  Bingó.

LÁ

[Hrólfur Þ Hraundal, 24.10.2010 kl. 18:14]

Hvar er nú dómstóllinn sem var smíðaður til að vernda okkur fyrir afglöpum eins og S.J. S og hann ræktaði að geði sínu til að dæma einn. 

Ég held að það sé alveg sama hvað við smíðum margar stjórnaskrár, þær verða aldrei betri en þær sem við hlíðum.

[H. Valsson (IP-tala skráð) 24.10.2010 kl. 18:28]

Gísli, það er hægt að taka ákvörðun um inngöngu eður ei að þessu sinni.

Ef að stjórnvöld myndu hlusta á þjóðina, væru þau ekki svona ákveðin í að ganga í ESB. Þjóðin er eðlilega hrædd eftir það sem á undan er gengið og ekki erum við með leiðtoga sem hrista okkur saman, þvert á móti.

Og hvað ef evran mistekst? Hvað ef raunverulegt gildi dollarans kemur uppá yfirborðið. Hvað ef ESB halda áfram að setja viðskiptaþvinganir á Íran, vegna þess að þeir gætu hugsanlega framleitt kjarnavopn og framið sjálfsmorð með því að beita þeim á Ísrael eða USA.
Málið snýst ekki bara um að klára málið og hreinsa Icesave, það er svo margt í húfi sem getur reynst okkur dýrkeyptara á endanum.

Persónulega finnst mér að aðild eigi ekki að vera til umræðu nema þjóðin sé sjálfstæð og efnahagslega erum við það ekki. Núverandi staða veikir okkar samningsaðstöðu til muna.

Aðild er möguleiki, en EKKI fyrr en við getum komið að samningsborðinu á okkar forsendum, annars gæti samningsferlið snúist uppí það að við þurfum að elta skottið á ESB til að fá inngöngu og það er einfaldlega ekki Íslenskt hugarfar.

[Sigmundur H Friðþjófsson, 25.10.2010 kl. 01:04]

Sæll Lyður

Eg er ekki sammala þer að það se hægt að afgreiða ESB i eitt skipti fyrir óll

Norðmenn hafa hafnað aðild tvisvar og eru enn að skoða malið.

Mikil oanægja er i morgum londum með ESB en þau sja enga leið ut.

[lydur Arnason (IP-tala skráð) 25.10.2010 kl. 01:34]

Já, sæll, Sigmundur. ég er reyndar líka ósammála sjáldum mér hvað þetta atriði varðar. Minnir að danir hafi fellt ESB-aðild tvisvar og svo loks fallist á dæmið í 3ja skiptið. Tek orð þessi því til baka.

LÁ