NOTIÐ EI HANN SJÁLFAN EN HRATIÐ SUMT.

Athyglisverðar tillögur komu frá sjálfstæðisflokknum í dag sem samkvæmt könnunum hefur endurheimt sæti sitt sem stærsta stjórnmálaafl landsins.   Flokkurinn þrástagast á sömu fjöl varðandi sjávarútveginn og ljóst að hann og útvegsmenn eru enn samrassa.   Að þessu leyti eru tillögurnar ónýtar.  Hinn hlutinn, sá sem snýr að skattamálum, er hinsvegar allrar athygli verður.  Skattpíning er niðurdrepandi fyrir atvinnulíf sem við svo sannarlega þurfum á að halda.  Betra er að auka skattstofna í gegnum meiri framlegð einstaklinganna.  Tillagan um fyrirfram skattlagningu lífeyris er einnig góðra gjalda verð og hana ætti að skoða sérstaklega.  Þó ríkisstjórninni hafi ekki tekist að greiða úr mörgum brýnum málum samfélagsins er eðlilegt að hún reyni að verja þjóðina fyrir endurkomu þeirra aðila sem vandann skópu.  Hyggilegast í stöðunni er að nýta allt sem gæti gagnast jafnvel þó það komi úr hörðustu átt.

LÁ

Athugasemdir

[Sigurður I B Guðmundsson, 2.11.2010 kl. 09:35]

LíÚ og sjálfstæðisflokkurinn samrassa!!! Vel til orða tekið. Það þarf að skeina þennan rass og það hressilega.

[Níels A. Ársælsson., 2.11.2010 kl. 10:06]

Það eru mörg dæmi um það erlendis frá að stjórnmálaflokkar og stjórnmálamenn hafi verið bannaðir í lengri og skemmri tíma.´

Lögbann við starfsemi ákveðinna flokka og stjórnmálamanna þarf að ná í gegn fyrir vorið.

[Tryggvi Helgason, 2.11.2010 kl. 15:23]

Ég hefi ekki séð þessar tillögur. Er eitthvað þar talað um auka frelsi til veiða, - leyfa frjálsar handfæraveiðar, eða minnka eða afnema kvótakerfið ? Er þar eitthvað lagt til að afnema vísitölu- og verðtryggingarnar ?

[Sigurður I B Guðmundsson, 2.11.2010 kl. 16:17]

Ó nei, Tryggvi Þór Herbertsson sagði á útvarpi Sögu að viðbótarkvótinn ætti að fara óskiptur til LÍÚ.

[lydurarnason (IP-tala skráð) 2.11.2010 kl. 18:53]

Sá hluti tillagnanna sem snýr að fiskveiðistjórn er ónýtur og afhjúpar gömlu köngulærnar sem enn ráða öllu í þessum köngulóarvef.

LÁ