NIÐURSTAÐA STJÓRNLAGAÞINGS Í ÞJÓÐARATKVÆÐI.

Vika í stjórnlagaþing.  Langur tími í pólitík er sagt, gildir ábyggilega líka um óflokksbundna pólitík.  Nokkrir frambjóðendur hafa lýst yfir vantrú á þinginu og segja erindi sitt að sporna við breytingum á stjórnarskránni.   Þingið gæti því orðið flokkspólitískara en margur hyggur.   Vona bara að sem flestir þingmeðlima verði óháðir hagsmuna- og félagasamtökum, tel það forsendu fyrir vel heppnuðu þingi.   Minni svo kjósendur á eitt veigamikið atriði, nefnilega að stjórnlagaþingi er í sjálfsvald sett að bera niðurstöðu sína undir þjóðaratkvæði.  Í mínum huga er það sjálfgefið að svo verði, almenningur verður að eiga þess kost að segja sína meiningu.  Slík þjóðaratkvæðagreiðsla  yrði aðeins ráðgefandi fyrir þingheim en þessu vil ég breyta í nýrri stjórnarskrá, þ.e. að þjóðaratkvæðgreiðslur framtíðarinnar verði bindandi, annars líta stjórnmálamenn á þær sem skoðanakannanir.

 

Lýður Árnason, frambjóðandi nr. 3876 til stjórnlagaþings.

Athugasemdir

[Kristján P. Gudmundsson, 21.11.2010 kl. 07:30]

Góður pistill hjá þér, Lýður. Þú átt fullt erindi inn á stjórnlagaþing, finnst mér.

Kveðja, KPG.

[Björn Hjálmarsson (IP-tala skráð) 21.11.2010 kl. 09:26]

Kæri Lýður,

Lýðræðisþroski þinn fer vaxandi dag frá degi. Þér hefur skilist að hagsmunir fjórflokks og þjóðar hafa ekki farið saman á undanförnum áratugum.

Kveðja,

[Gísli Foster Hjartarson, 21.11.2010 kl. 13:34]

Algjörlega sammála þér Lýður. Lagði einmitt út frá þessu sama í pistli mínum sem ég nefndi byrjað á öfugum enda o gvar þar einmitt að benda á þetta og að best væri að verk þjóðfundar og stjórnlagaþings færu fyrir dóm kjósenda áður en hún færi eitthvað annað. - Gangi þér vel

[lydurarnason (IP-tala skráð) 21.11.2010 kl. 20:15]

Sælir, félagar og þakka hlý orð í minn garð.

Vona sömuleiðs, Gísli, að þér gangi vel á laugardaginn.

Kveðja, Lýður.