ÞOKA YFIR HELGUVÍK.

Kísilverksmiðja í Helguvík voru gleðifréttir kvöldfréttanna.  Loksins erlend fjárfesting á Íslandi, verktakastarfsemi og 90 störf.  Raforkan tryggð og samningar undirritaðir undir rorri kvikmyndavélanna, brosandi ráðherrar og kaupsýslumenn.  Allt uppi á borðum nema raforkuverðið.  Afsteypa hrunflokkanna afturgengin, landsmenn sviknir enn eina ferðina, nú af þeim aðilum sem fordæmdu nákvæmlega sömu vinnubrögð forvera sinna.  Er raforkan á svo miklu gjafverði að ríkisstjórnin getur ekki gefið það upp eða ráða kaupsýslumenn siðferðisstöðlum heillar þjóðar?  Hvað fær ráðamenn til að ganga í sömu skítableyjunni og hrunflokkarnir, hvað?

 

LÁ

Athugasemdir

[Ómar Ragnarsson, 18.2.2011 kl. 07:20]

Það er þokusælt víðar, Lýður. Við fáum ekki að vita um eignarhaldið á Sjóvá og í grein Ólafs  Flóvenz og Guðna Axelssonar um íslenska jarðvarmann var sagt að nýting hans væri endurnýjanleg og sjálfbær "ef vinnslan væri minnkuð nægjanlega, þegar í ljós kæmi að hún væri of mikil." 

Slíkt kemur oft ekki í ljós fyrr en eftir allmörg ár, og í 35 ár hefur það verið vitað að vinnslugeta jarðvarmasvæða til langframa er langoftast hulin þoku.

Fyrir þessa staðreyn, rányrkjunni á jarðvarmaorkunni, þræta Íslendingar, nú síðast forseti Íslands, í viðtali í Silfrinu, þar sem hann í raun valtaði yfir þekkingu allra okkar bestu sérfræðinga á þessu sviði með því að segja að það væri viðurkennt erlendis og um allan heim að jarðvarmaorkan væri endurnýjanleg og hrein. 

Hvernig skyldi nú standa á því? Af því að íslensk stjórnvöld hafa haldið þessu að útlendingum jafnt sem eigin landsmönnum í 75 ár, og hver geipar um þetta upp í annan og forsetinn neyðist til að halda áframa að leika hlutverk klappstýra þjóðar, sem hefur litlu breytt þrátt fyrir efnahagshrun, en heldur áfram með sama hugsunarhætti varðandi orkumálin og bætir í ef eitthvað er. 

[lydurarnason (IP-tala skráð) 18.2.2011 kl. 11:15]

Já, Ómar, mikið vildi ég sjá þig taka eitt kjörtímabil í nýju umhverfis- og auðlindamálaráðuneyti.  Skyldi ég glaður halda á bensínbrúsanum.  Sjáumst vonandi glaðbeittir innan tíðar.

Kveðja, Lýður. 

[Daddi (IP-tala skráð) 18.2.2011 kl. 11:27]

Þið eigið báðir að ganga í besta flokkinn og vinna með Jóni Gnarr. Hann er einnig á því að fólk fái ekki vinnu og finna eitthvað annað í staðinn. En málið er einfalt, þið hafið ekkert annað fram að færa sem vit er í. Og á sama tíma þurfið þið ekki að hafa áhyggjur af peningum. Það er auðvelt að vera vitur fyrir aðra þegar matur er á borðum ykkar. Nei takk, haldið ykkur við að rita hér misvitrar greinar

[lydurarnason (IP-tala skráð) 18.2.2011 kl. 13:21]

Daddi...  Hvers vegna þarf atvinna að tengjast leyndu raforkuverði?  Sérðu ekki að atvinnu- og mannorðsmissir þjóðarinnar tengist einmitt katakombupólitík?  Og hvers vegna æpa suðurnesjamenn ekki á að sækja sjóinn og það fast, þar er augljós, arðbær og hraðvirk opnun á atvinnulíf?!   Hvað mig sjálfan áhrærir þá fagna ég atvinnusköpun, líka stóriðju en hún verður að vera í þágu þjóðarinnar allrar og ekki í klæðum stundarbrjálæðis.   Hvað persónulega hagi varðar vona ég sem flestir njóti gæfu okkar Ómars.

LÁ