EVRUKRÓNA?

Pæling Lilju Mósesdóttur um nýja krónu eða nafnbreytingu er við fyrstu sýn galin en sé nánar að gáð hugsanlega bara nokkuð snjöll.   Hrein peningaeign landsmanna í krónum yrði endurmetin og kæmi fram.  Möguleiki á tengingu við annan gjaldmiðil væri fyrir hendi og einnig afskurður verðtryggingarinnar.  Fjármagnseigendur yrðu væntanlega fyrir tjóni en er það ekki einmitt hluti af núllstillingu þjóðfélags sem fer á hausinn?  Ofan á þetta bætist svo trúverðugleiki.  Ending hans fer að sjálfsögðu eftir hagstjórninni en höfum við svo miklu að tapa?  Alltént er þessi hugleiðing Lilju þess verð að hún sé gaumgæfð.

LÁ

Athugasemdir

[Níels A. Ársælsson., 14.3.2011 kl. 08:12]

Ný króna er mjög snjöll hugmynd.

Tengja nýja krónu 50% við gull og 50% við heimsmarkaðsverð á þorski.

Skiptum svo á gömlu og nýju krónunni með 50% afalætti við þá sem þora að taka til í hirslum sínum og bílskúrum :=))

[Þórir Kjartansson, 14.3.2011 kl. 08:48]

Lilja hefur  lagt ýmislegt athyglisvert til málanna í sambandi við endurreisnina eftir hrun. Það hefur oft verið gert lítið úr hennar tillögum og helst af þeim sem í raun vilja engar breytingar.  Vilja halda áfram með allt gamla sukkið s.s. kvótakerfið, lífeyrissjóðaóréttlætið og verðtrygginguna. Enginn kjarkur til að gera eitthvað róttækt í að breyta því sem allir sjá að er ótækt en virðist vera ósnertanlegt og óumbreytanlegt. Hélt samt að þetta væri mannanna verk en ekki  náttúrulögmál.

[Þorður Sævar Jonsson (IP-tala skráð) 14.3.2011 kl. 10:27]

Eignarkönnun er af því góða. ------ Þótt fyrr hefði verið.

[Björn Jónasson (IP-tala skráð) 14.3.2011 kl. 17:25]

Lilja, er einhver snjallasti hagfræðingur landsins.

[lydurarnason (IP-tala skráð) 15.3.2011 kl. 01:26]

Margur vilja Lilju kveðið hafa að því er virðist...

LÁ