HÁKARLAR OG BARNAÞRÆLKUN.

Hákarlar og barnaþrælkun eru myndlíkingar jás og neis við icesave, staðfestir enn og aftur að skemmtileg umfjöllun tekur málefnunum fram.  Ókindin er ógnvekjandi og finnst mér sú myndlíking býsna góð, annaðhvort borga eða vera étin.  Mörlandinn situr í hnapp á sakamannanýlendu og djöfuldómi hótað nema gengist sé við  ræningjagjörningum á erlendri grundu.   Að vilja ekki styggja ESB er eitt, annað að segja viðskiptalífið dautt nema samþykkja icesave. En til hvers að fá hingað lánsfé til aðila sem ekki er treystandi.  Líti fólk í kringum sig eru þetta unnvörpum sömu aðilarnir og sami hugsunarhátturinn sem er að hasla sér völl.  Hákarlinn er forsprakkar hagsmunahópa, stjórnmálamenn, stjórnsýslan, fræðasamfélagið og ESB.  Fjármagnseigendur og evrópusinnar finna hér sameiginlega ókind til að ná fram sínu draumasamfélagi, annarsvegar frelsi án ábyrgðar, hinsvegar stjórnsýslu án landamæra.  Íslenzka þjóðin þarf að takast á við bæði frelsið og stjórnsýsluna, góð byrjun væri að segja nei við icesave sem gefur þau skilaboð að ríksvæðingu taps sé hafnað sem og stjórnsýslu sem trassar sína lögsögn.  Við getum ekki boðið frelsishugsjóninni upp á andhverfu síðastliðinna ára né evrópubandalaginu upp á þá stjórnmálamenn sem létu slíkt viðgangast.  Segjum því NEI við icesave.  

 

LÁ

Athugasemdir

[Hörður B Hjartarson, 5.4.2011 kl. 01:37]

   Lýður !

   Ekki veit ég með þig , né aðra bloggara , en mér fynnst hákarl herramanns matur og því vil ég hreint og klárt éta hann , að vísu vel kæstann.

[Ásthildur Cesil Þórðardóttir, 5.4.2011 kl. 08:41]

Það verður nei hér.

[lydurarnason (IP-tala skráð) 5.4.2011 kl. 13:42]

Já, Hörður Bé, NEIið er klár barátta við ókindina og sigurlíkur hákarlaveiðiþjóðar þó nokkrar.  Og þú, Ásthildur, tæklar málin að venju með réttlætiskyndilinn að vopni.

LÁ