SAMVINNUHUGSJÓNIN LIFIR.

Tuttugu milljörðum dreift á viðskiptavini fyrrum samvinnutrygginga sem svo var umbreytt í eignarhaldsfélagið VÍS.  Í dag troppuðu gamlir samvinnuhugsjónarmenn  upp, héldu fund og ákváðu að þeir viðskiptavinir sem hvergi hvikuðu á síðustu dögum samvinnutrygginga skyldu nú njóta trygglyndisins.  Spurningin er hvort þetta sé skemmtileg nýlunda í íslenzku fjármálalífi eða enn ein fléttan í anda villta vestursins? 

LÁ  

Athugasemdir

[Guðrún María Óskarsdóttir., 16.6.2007 kl. 01:58]

Sæll Lýður.

Ég hef velt þessum fundi all nokkuð fyrir mér þ.e. það sem ég hef heyrt af honum í frásögnum frétta. Hef hins vegar ekki áttað mig alveg á því hvað var þarna að ske.

kv.gmaria.

[Lýður Árnason, 16.6.2007 kl. 05:01]

Hæ, aftur. Hef enga sönnun en finnst þetta keimlíkt því sem gerðist í sparisjóði HF þar sem svokallaðir stofnfélagar voru snöggsoðnir og úthlutaðir stofnfjárhlutir upp á hundruði milljóna.  M.a. hafði núverandi fjármálaráðherra 50 kúlur upp úr krafsinu en var þó fæddur að ég held áratugum eftir stofnun sparisjóðsins.  Það er ekki sama Vesen og Mathiesen.   

[Hafsteinn Viðar Ásgeirsson, 17.6.2007 kl. 00:51]

Þetta er nú held ég hefðbundið Framsóknar-SÍS drullumall, að hætti hússins. Þessir lúðar eru að skammta sér þarna 20 milljarða og láta detta, svona fyrir lúkkið, einhverja smáaura á bændur og búalið sem hélt tryggð við glæpinn. þessir aurar eru búnir að búa til gríðarlegar upphæðir útúr Búnaðar-Kb- banka, Vís-Exista og hvað allt þetta drullumall Hornfirðinga, Finns Ingólfs, Óla í Sambó og Þórólfs Gísla heitir. En um þetta væri sjálfsagt hægt að skrifa margar bækur og því þarf að koma í verk áður en Sverrir Hermanns drepst, hann er með góðan part af þessu úr Landsbanka, allt um þrot SÍS gamla og gripdeildirnar í kringum það.

[Þorsteinn Gunnarsson, 18.6.2007 kl. 02:15]

Þetta heitir nú á íslensku að kaupa sér samvisku. Að vísu í dýrari kantinum en nóg eftir samt.