FENGITÍMI

Elskan mín er loks komin í frí eftir 10 mánaða úthald og hljóp strax í næsta fjörð með hlaupaklúbbnum þar sem síðustu risarækjurnar á Íslandsmiðum biðu á grillpinnum.  Ég ók í kjölfarið en sneri við þar sem hundurinn át íspinna, þ.e.a.s spýtuna líka.  Eftir að hafa fiskað spýtuna upp úr hundinum ákvað ég að blanda mér í glas, föstudagskvöld og elskan mín væntanleg um miðnættið og varla allsgáð.  Hætti við þar sem krakkarnir voru búnir með blandið og í sveitinni lokar söluturninn klukkan tíu.  Refsaði krökkunum þess í stað með fuglaskoðunarferð.  Fjölskyldan sofnaði svo um tvö nema ég góndi áfram andvaka út í bjarta sumarnóttina.   Fengitíminn er stuttur en indæll. 

LÁ 

Athugasemdir

[Heiða Þórðar, 16.6.2007 kl. 11:11]

Bland?

Vatn - salt og pipar.... maður bjargar sér í sveitinni Lýður þegar læknavaktinn stendur aðeins í u.þ.b. 15  mín...

[Lýður Árnason, 17.6.2007 kl. 04:23]

Vatn notar maður aldregi í vín en einhverntíma kunnu menn að breyta vatni í vín.  Því miður er sú vitneskja forgenginn og reyndar eiga margir enn í miklu basli með að breyta víni í vatn.