LÝS OG MENN

Hljómsveitaræfing í kvöld, reyndar ekki Hrunið en ágætt band samt.  Afmælisundirbúningur í fullum gangi, hundurinn ellefu og elskan mín hálfáttræð.    Hingað til hafa farsímar truflað framgang laganna, sérlega er bæjarstjórinn á mörgum vígstöðvum.   Í kvöld voru sérleg ónot í okkur vegna lúsafaraldurs sem herjar endurtekið á bæjarfélagið.   Í hverju hausbanki áttum við von á spriklandi lús á gólfinu, kláðinn var áberandi og einhver spenningur í loftinu.  Ég ásakaði bæjarstjórann um vanþrif en hafði varla sleppt orðinu þegar stærðar kvikindi straujaði þvert yfir bílskúrsgólfið og hvarf inn í orgelið.  Trymbillinn brást hart við og reyndi að hvolfa orgelinu meðan ég bað lífinu vægðar þó vont væri.   Eftir nokkurt japl sáum við að þetta var ekki lús heldur mús og greyið fékk að fljóta í fatapoka ætluðum fátækum út í kuldann.   Hún ætti þó að plumma sig vön íslenzkri veðráttu en víst mun ég henda út brauskorpu í nótt, minna má það ekki vera.   

Athugasemdir

[Grímur (IP-tala skráð) 31.10.2007 kl. 13:35]

Ég veit nú ekki betur en stærðar járnsmiður hafi um þessar mundir fundist í rauðum lokkum heimasætunnar á Höfðastígnum!

[Ylfa Mist Helgadóttir, 31.10.2007 kl. 22:19]

Hvers konar Trymbill er þetta eiginlega????

Þetta hefði nú hinn stóíski Haraldur ekki gert sig sekan um. Enda karlmaður, engin kerling ;o)

[lýður árnason (IP-tala skráð) 1.11.2007 kl. 02:20]

Músin fer til fátæku barnanna og kynbætir væntanlega hina afrísku stökkmús.  Trymbillinn var reyndar köttur og lítið við því að segja að hann stykki upp við músaganginn.

[árni l. jónsson (IP-tala skráð) 4.11.2007 kl. 15:40]

skemmtilegt blogg.

[Árni L Jónsson (IP-tala skráð) 4.11.2007 kl. 15:55]

Skemmtilegt blogg.