SJÁLFGABBHREYFINGAR

Aumleg frammistaða Víkara í bolta kvöldsins verður ekki í minnum höfð.  Var pínlegt að taka þátt í og horfa á hvert vítaskotið á fætur öðru fara í innkast, endalaus samstuð samherja og sjálfsmörk.  Föst leikatriði kristölluðust í  sjálfgabbhreyfingum sem iðulega skiluðu mótherjunum mörkum.  Eina glæta kvöldsins var liðhlaup bæjarstjórans, gekk þá betur um stund.  Heimleiðin var tíðindalaus og Óshlíðin hlaut engan gaum í hugum niðurbrotinna fótboltamannanna.

Athugasemdir

[Helga Vala (IP-tala skráð) 1.11.2007 kl. 10:51]

Liðhlaup bæjarstjórans - má skilja þetta þannig að þegar hann fór yfir í lið Ísfirðinga hafi hagur Víkara vænkast?

Er það þess vegna sem ekkert var rætt um frammistöðuna yfir kaffibollanum í gærkvöldi? 

[Grímur (IP-tala skráð) 1.11.2007 kl. 14:38]

Frábið mér svona rugli. Molapabbi rak mig útaf til að koma sjálfum sér inná - hann hafði verið harla ónotadrjúgur fyrir útafskiptingu og ekki lagaðist það við afturkomuna. Síðan skreið mótherji útaf og bað mig um að koma inn á hans stað á meðan sárin væru að gróa. Í stað þess að gera enn minna úr Bolvíkingum - það vita það allir að vinna 5 á móti 4 er hneysa - ákvað ég að verða við kallinu.

[Einar Bragi Bragason., 1.11.2007 kl. 17:27]

Sjálfgabbhreyfingar......vá