SNEYPUFÖR ÓLYMPÍUELDSINS

Fyrir nokkrum mánuðum hlakkaði öllum til ólympíuleikanna í Peking.   Svo kom Tíbet og þurfti endilega að varpa ljósi á hluti sem allir vissu reyndar fyrir.   Atburðarás fór í gang og hvatningarhróp púrítana láta nú illa í eyrum stjórnmálamanna meðan ólympíueldurinn gengur landa á milli.   Í margra augum er þessi tiltekni ólympíueldur birtingarmynd kúgunar en ekki hreysti og því hefur för hans yfirbragð sneypu en ekki glæsileika.   Ríkisstjórn Íslands stefnir ótrauð á sæti í öryggisráði sameinuðu þjóðanna, tilgangurinn væntanlega sá að gera sig gildandi á alþjóðavettvangi, taka afstöðu og vera með.  Fjarvera íslenzkra ráðamanna á opnunarhátíð ólympíuleikanna er að taka afstöðu með frelsi, með mannréttindum, móti kúgun og móti ógnarstjórn.  Þetta tækifæri nýtti Björk sér eftirminnilega á tónleikum eystra nýverið og uppskar virðingu.   Fyrirliggjandi yfirlýsingar hérlendra ráðamanna eru hinsvegar ekki fallnar til virðingar heldur hæginda.   Samstaða með íþróttafólkinu er vont undanskot, spyrjum samt að leikslokum.

LÁ          

Athugasemdir

[Hólmdís Hjartardóttir, 18.4.2008 kl. 01:40]

EN...á að blanda saman íþróttum og stjórnmálum???? 

[lýður árnason (IP-tala skráð) 19.4.2008 kl. 03:50]

Helst ekki og því mátulegt að mæta á keppnina sjálfa og styðja þannig við bak okkar fólks en fjarvera á sjálfri opnunarhátíðinni er einörð en kurteisleg skilaboð til kínverzkra stjórnvalda að mannréttindastefna þeirra sé okkur ekki að skapi.