RÍKASTA ÞJÓÐIN

Jón átti milljón kall og langaði í nýjan bíl.    Skoðaði nokkra og ók loks heim á 4ra milljóna jeppa enn með milljónina í brjóstvasanum og í rassbróðurnum 100% bílalán.   Kom við í BT, keypti skjá og leikjatölvu og hélt heimleiðis, enn með milljónina í brjóstvasanum og í rassbróðurnum 100% raðgreiðslur.   Kona hans, Pálína, var nýkomin úr ristilskolunarferð í Japan, tilboðsferð sem sparaði 100 þúsund þeim sem keyptu strax.   Þegar Pálína sá nýja bílinn vildi hún stærra hús honum samboðið og saman óku hjónin í bankann í greiðslumatspælingum.   Draumahúsið var keypt, 90% lánað og hjónin lofuðu framsóknarflokkinn á heimleiðinni.  Þegar kom að Valgerði  sprakk á bílnum.  Greiðslumatið hafði ekki gert ráð fyrir púnkteríngu og slypp og snauð veifuðu þau skuldahölunum í von um far.   Þar veifa þau enn.  Svona Jóna og Pálínur má sjá út um allt, þau kallast íslendingar og eru ríkasta þjóð í heimi. 

LÁ     

Athugasemdir

[Ólafur Ragnarsson, 7.5.2008 kl. 14:02]

Sæll Lýður!Takk fyrir góða samlíkingu.Kært kvaddir

[Níels A. Ársælsson., 12.5.2008 kl. 00:56]

Flottur karlinn !