AKRANESVITI

Akranesviti er enginn hálfviti.  Hann logar glatt og lýsir sjófarendum til landsýnar.  Í kaupstaðnum sjálfum sjá menn ekkert fyrir húsum og þramma öngstrætin með ratljós og minnisblokkir.   Alíslenzkur andi blæs á palestínskan púðurreyk en vökul augu fylgjast með í gluggum, skjálg mörg og bera merki skyldleika.    Samtímis hoppar óséður  bæjarstjórinn yfir óbrúaðan bæjarlækinn en í honum rennur alíslenzkt hland blandað útrunnum flokksskírteinum til sjávar.  Akranesviti sem fyrr, enginn hálfviti og lýsir leiðina burt.    Vestfjörður, sem hrópar í örvæntingu á olíhreinsunarstöð, skartar regnvatnsám enda fáir eftir orðnir til migu.   Þar yrði palestínskum púðurreyk vel fagnað. 

LÁ

Athugasemdir

[Hrun (IP-tala skráð) 20.5.2008 kl. 15:50]

Nei, líklega ekki hálfviti. Hann veit sem er þessi viti að ljós sem þetta - svona pínutlítil glæta - kallar á fólkið sem hræðist allt sem ekki er í túnfætinum. Það er gott að safna slíku fólki saman - maður kemst jafnvel á þing næst. Haagen og Kjærsgaard hafa reynslu af því. En spurning hvort ekki þyrfti að stoppa útstreymi þessara heilögu Íslendinga út um allan heim - maður getur ekki bara fengið og fengið. Stundum þarf að gefa líka.

[Guðrún Jóna Gunnarsdóttir, 20.5.2008 kl. 22:04]