SJÓMENN Á FALLANDA FÆTI

Góðan daginn, sjómenn, þetta var ykkar dagur.  Allir óska stéttinni til hamingju með unnin störf í þái og núi, lofa framlag hennar til þjóðarskútunnar og minnast.    Engum dylst þó breytt viðhorf almennt til sjómennsku.  Hún er töluð niður, véfengd sem framtíðarstarf og launalega botnfallin.  Hetjur hafsins eru gamlir menn með skegg, gengnar goðsagnir.   Margir telja fjármálageirann arftaka sjávarútvegsins.  Þegar menn líta á mannvalið þar má skynja hvaðan aurinn hefur oltið.  Hið frjálsa kvótaframsal hefur haft í för með sér gríðarlega tilfærslu fjármuna frá sjávarútvegi til áhættufjárfestinga, sömu menn,  nýr vettvangur.   Fjárfestingar í flugfélögum, fótboltafélögum, verslanakeðjum eða hvaðeina geta aldrei myndað þjóðargrunn, óvissan er einfaldlega of mikil.   Við höfum líka séð hvernig umgengnin er á þessum markaði, ofurlaun, fríðindi og sjálftaka, allt svo úr hófi fram að þjóðarskömm er að.   Ísland býr enn að sjávarauðlindinni og fleiri má eygja í náinni framtíð.  Niðurlæging sjómannastéttarinnar hófst með kvótaframsalinu.  Hagræðingin sem hún átti að skila hefur aldrei verið atvinnugreinarinnar heldur þeirra sem hætta.   Hinn sjálfstæði sjómaður er því ekki lengur til.   Hreyta  sjómannastéttarinnar ætti að hætta koddaslagnum og taka frekar þann slag einan sem skiptir sköpum, bæði  fyrir þá og þjóðarheill,  fara út og róa,  allir sem einn. 

LÁ        

Athugasemdir

[sigurður j. hafberg (IP-tala skráð) 2.6.2008 kl. 11:00]

heyr heyr félagi

kv sig haf

[Níels A. Ársælsson., 2.6.2008 kl. 21:15]

Já einmitt Lýður.

Ég býð þér hér með formlega með í sjóferð þann 12 júní nk, sem farin verður í boði Mannréttindanefndar SÞ.

Ekki gera lítið úr peningaöflunum maður.

Exista seldi td, nærbuxna-keðju um 215 verslanir ekki svo fyrir löngu á 1 pund (eittpund 00/100) og Baugur tískukeðju sem samanstendur af þúsund búllum fyrir sömu upphæð.

Það á ekki að tala markaðinn svona niður. SPVF (Sparisjóður Vestfirðinga) og LV (Lífeyrissjóður Vestfirðinga) eiga stóra hluti í Kaupþing, Glitni, FL-grúpp og Existu ásamt fleiru og fleiru.

Hugas sér þessa andstygð !!!!!!!!!!!!!!!!!!!!!!!!!!!!!!!

Þvílíkir helvítis aumingjar og níðingar !!!!!!!!

Þeir tóku þá þátt í þessum föðurlandssvikum og hneptu Vestfirðinga í þrældóm kvótaleigunnar og notuðu til þess okkar eigin peninga og fjármuni !!!!!

Við verðum að átta okkur á því að við þessir ræflar sem einu sinni vorum sjómenn, að lögboðinn "SJÓMANNADAGUR" er eins og aumt endurvarp lögguliðins tíma og ætti að heita "SJÓMANNA-SORGARDAGURINN".

[Ólafur Ragnarsson, 11.6.2008 kl. 18:58]

Tek undir með ykkur báðum,þótt seint sé í rassinn gripið.Kært kvaddir