SÓLIN SEST Í AUSTRI.

Kollvörpun íslenzks þjóðfélags er staðreynd.  Ríkust ei lengur, keikust ei lengur, undrabörn ei lengur.  Á naktri blágrýtisklöpp við hímum.   Erum afturreka en með hvað? 

Lífsstíll: Hús og bíll, húsbíll, sumarhús,   Kína, B&O,  hugoboss, Kjarval, Gilzenegger, spa, sjóvává. 

Stjórnkerfi:  Valdníðsla, hagsmunagæsla, leynimakk, sjálftaka, gullstólar, óreiða, bruðl, svik, prettir, spilling.

Samfélag: Landsbankadeildin,Glitnisrall,Kaupþingsmaraþon.               

Ímynd:  Viðskiptaundrið mikla.Gildi:  Veraldleg.Vís maður sagði þjáninguna fæðingarhríð skilningsins.  Í hringekju mannkynssögunnar eru mót réttsælis og andsælis mest spennandi andartökin.  Í þeim sest sólin í austri. Í þeim eru eftirlaunalög bætt.  Í þeim er blossi vonar. LÁ     

Athugasemdir

[Níels A. Ársælsson., 21.11.2008 kl. 09:26]

Smá dæmisaga fyrir komandi kynslóðir sem víti til varnaðar.

KRAKKAR SJÁIÐ ÞETTA !

 

Það var grátbroslegt að fylgjast með útgerðarmanni úr Vestmannaeyjum taka á móti umhverfisverðlaunum LÍÚ úr hendi fyrverandi sjávarútvegsráðherra og núverandi fjármálaráðherra Árna Matthíssen á aðalfundi Landsambands Íslenskra útvegsmanna (LÍÚ) á Hótel Sögu haustið 2002.

 

Á sama tíma og athöfnin fór fram var ég í símanum á tali við eitt skip viðkomandi verðlauna útgerðar og skipstjórinn sagði mér þeir væru búnir að vera hálfan mánuð á veiðum í mok fiski mörg skip saman við Surtinn.

 

Aflinn var lang mest ýsa en það sem væri verst í þessu sagði skipstjórinn að minnst 50% aflans færi aftur í hafið vegna smæðar sinnar.

 

[LYDUR ARNASON (IP-tala skráð) 21.11.2008 kl. 16:19]

Þegar upp kemst um níðing er það sjaldnast í 1sta skipti.

LÁ

[Bassinn er suðrí Dölum (IP-tala skráð) 22.11.2008 kl. 23:50]

Kaupum þessa trillu og hættum þessu. 10% prósent samdráttur - þú fýkur fyrstur og ég númer tvö - eða öfugt.