KÆTIST SENN VATNSFJARÐARPRÓFASTUR.

Yfirstandandi landsþing framsóknar byrjar með látum.  Aðildarviðræður við evrópubandalagið samþykktar með skilyrðum sem margbúið er að lýsa yfir sem óraunhæfum og óaðgengilegum.  Líkast vilja framsóknarmenn halda bæði evrópusinnum og ekki-evrópusinnum heitum, þ.e. báðum endum opnum.   Þessa leið fara sjálfstæðismenn væntanlega einnig síðar í mánuðinum.   Ræða fráfarandi formanns var ósanngjörn og á skjön við raunveruleikann.  Firring á eigin gjörðum, frávarp bankahrunsins, fratyfirlýsing á frjálshyggjuna, allt mjög ósannfærandi og vekur kjósendur ekki til dáða.  Geti framsóknarflokkurinn ekki horfst í augu við fortíðina á hann sér enga framtíð.   Tel enda málalyktir varðandi ESB ekki til þess fallnar að halda tryggð grasrótarinnar og verði hoggið í sama knérunn í formannskjörinu mun flokkurinn súnka endanlega.  Mun þá kætast Vatnsfjarðarprófastur.

LÁ

Athugasemdir

[Ben.Ax. (Benedikt Jóhannes Axelsson), 17.1.2009 kl. 01:28]

Sæll. Fyrir utan þig þekki ég tvo skynsama og skemmtilega framsóknarmenn. Megið þið lengi lifa.

[lydur arnason (IP-tala skráð) 17.1.2009 kl. 07:14]

Sæll, og þakka komplímentið, Ben. Ax.  Hver mun sá þriðji vera?

LÁ

[Grímur (IP-tala skráð) 17.1.2009 kl. 14:08]

Já, auðvitað sé þetta allt í réttu ljósi núna - ég sem hélt að Lýðurinn væri frjálsblyndur (ritast með ypsiloni).

[lydur arnason (IP-tala skráð) 17.1.2009 kl. 15:03]

Þarna kom fram skemmtilegi framarinn í miðið.

LÁ

[Kafteinninn (IP-tala skráð) 17.1.2009 kl. 22:53]

 Þetta er nu meira lyðskrumið?