ÞRÁSETA.

Umsetursástand er nú við híbýli forsætisráðherra.  Líkast sitja sjálfstæðismenn þar slegnir með óaðgengileg skilyrði samstarfsflokksins á borðum.  Forsætisráðherra ýjar að ábyrgð og stjórnarkreppu en Ingibjörg vill skeika að sköpuðu.   Einleikur viðskiptaráðherra kom tvíeykinu á óvart og er kannski dæmigert fyrir vinnubrögð sitjandi ríkisstjórnar.  En hann er hættur og kveðst axla þannig ábyrgð.   Forstjóri FME kveður svo með 20 milljónir í bónus, væntanlega fyrir ¨vel unnin störf¨.   Kannki hann afsali sér þessari sporslu eins og viðskiptaráðherra sinni.  Hvort Björgvin framlengi sitt pólitíska líf með þessu útspili  skal ósagt en það er mín persónulega skoðun og hún bjargföst að fólkið sem ekki brást við boltanum eigi að leita hófanna utan vallar.  Nóg var nú samt.

LÁ

Athugasemdir

[Pétur B. (IP-tala skráð) 25.1.2009 kl. 22:14]

Ég er ekki sammála þér er þú segir að afsögn Björgvins hafi komið Ingibjörgu á óvart, það held ég að sé alveg út úr kú.  Plottið er náttúrulega að fá hreðjartak á sjöllunum og lægja um leið óánægjuraddir.  Sjallarnir verða nú að henda Davíð og sennilega Árna Matt líka, annars springur sambandið og Björgvin hefur hugsanlega reddað sér fyrir næsta prófkjör.  Samfylkingin 2 sjallarnir 0

[Þórður Sævar Jónsson (IP-tala skráð) 25.1.2009 kl. 23:50]

Lýður minn!  Hérna á árum áður úrskurðaði þáverandi yfirlæknir á Kleppi, Jónas Jónasson frá Hriflu, geðveikan og óhæfan til að gegna Ráðherraembætti. Þetta var kallað  STORA BOMBAN. 

Lýður minn!  ´Hérna á árum áður tók sig til fyrrverandi yfirlæknir á Kleppi og úrskurðaði Jónas Jónasson frá Hriflu  GEÐVEIKAN,  og óhæfan að gegna ráðherraembætti, takk fyrir.  Þetta var kallað ST'ORA BOMBAN.  Jæja Lýður minn, þá er komið að þér að úrskurða.   'Eg nefni enginn nöfn.  Kanski Seðlabankastjóran og forsætisráðherrann.  Þú ert líka fyrrverandi og ferð ábyggilega létt með það.

[Þórður Sævar Jónsson (IP-tala skráð) 26.1.2009 kl. 00:36]

P.S.   Það á ekki að ganga andskotalaust að komast í samband við þetta tækniundur sem talvan er.  En þar sem þú ert soddan karlremba færð þú einn ljókubrandara til þess að róa þig niður.   Hversvegna er ekki óalgengt að sjá ljóskur uppí trjám í nágrenni háskóla?      Þeim hefur verið sagt að velja sér greinar.     Það er eins gott, að þessar græjur lesi ekki hugsanir manns.  Eg segi nú bara svona.

[lydur arnason (IP-tala skráð) 26.1.2009 kl. 00:47]

Sæll, Pétur B.  Vel má vera að uppsögn Björgvins sé "plott" og margir sem halda því fram.   Ég er þó ekki eins viss og hugsa þetta jafnvel hefndargjörning fyrir vantraust Ingibjargar í garð Björgvins varðandi lykilupplýsingar.  Þetta gildir þó einu:  Aðalatriðið er ekki 2-0 eða 10-0 fyrir samfylkingu eða sjálfstæðisflokk heldur að bæði þessi öfl verði utan vallar eftir næstu kosningar og gefist tími til endurskoðunar á hugmyndafræði sinni.

LÁ

[lydur arnason (IP-tala skráð) 26.1.2009 kl. 00:51]

Sæll, Doddi Koddi.  Karlremba hef ég aldrei verið og fygjandi kosningarétti beggja kynja.  Á móti fjölkvæni gagnstætt þér.  Hvort einhver ráðamaður íslenzkur sé geðveikur veit ég ekki en vissulega gætu slíkir gert margt betur en þeir.

LÁ

[Pétur B. (IP-tala skráð) 26.1.2009 kl. 01:02]

Alveg sammála þér með að staðan í leiknum skiptir ekki máli en þessi tvö öfl eru ekki á sama máli, þar sem nú fara kosningar í hönd og þá fer þetta lið bara í gamla farið, fara að huga að atkvæðum og öll plott notuð.  Svo er það bara spurning hvort við kjósendur höfum andlegan styrk til að fara ekki bara í gamla kosningafarið eða ætlum við að breyta hér hlutum?