SKILNAÐUR DAGSINS.

Eftir langþráð stjórnarslit kasta hlutaðeigandi flokkar drullukökum hvor í annan og kenna ófarir við úthalds- og verkleysi.   Taugin er rofin og versta ríkisstjórn seinni tíma örend.   Ýmsir sem komu að málum viðurkenna mistök en leitun að þeim sem huga að nýjum starfsvettvangi.  Sjálfstæðisflokkurinn lofaði mjög einkaframtakið, frelsið og útrásina.  Taktu þátt, taktu áhættu eða haltu að þér höndum og vertu öruggur, valið er þitt.  Hluthafi eða ekki hluthafi, markaðurinn sér um sig.  En hvað gerðist?  Fólk skríður, flekklaust, hrekklaust, alsaklaust, allslaust, vitlaust og súrefnislaust undir 2000 þúsund milljarða skuldabagga sem aldrei átti að koma neinum við.   Og hugmyndafræðingarnir yppta bara öxlum, segjast ætla að vera duglegir og láta hendur standa fram úr ermum.   Endaskipti hluta verða vart meiri.   Ingibjörg kvað sjálfstæðismenn skorta auðmýkt.  Þessu andmælir enginn með viti og tæpast að nokkur sængi hjá flokknum í bráð.    Rekkjubrögð komandi stjórnar, hver sem hún verður, hljóta að verða tilþrifameiri en hinnar fráfarandi.   Hver veit nema kosningum verði frestað?  

LÁ

Athugasemdir

[Þórður Sævar Jónsson (IP-tala skráð) 27.1.2009 kl. 07:22]

Nú fyrdt æsist leikurinn.  Ég veit ekki hvernig þessi óskup enda.  Það er búið að leggja niður forsætisráðherra enbættið.  En í staðinn búið að ráða verkstjóra.  Hvernig væri, að ráða Pálu í jobbið, til þess að koma á skikki í kassanum.