HENNAR TÍMI KOM.

Samfylkingin vann kapphlaupið um fyrsta kvenforsætisráðherrann.  Og ekki bara það heldur yfirlýst samkynhneigð líka.  Frábært í alla staði, held þetta auki tiltrú landans hinumegin landsteina.  Væntanlega er ætlunin að halda þessu stjórnarmynstri eftir maíkosningar að viðbættum framsóknarflokki.   Þau plön gætu þó riðlast með nýjum framboðum en sjálfstæðisflokkur má búast við sniðgöngu, sé hann ekki fyrir mér á pallborðinu.   Áherzlur komandi ríkisstjórnar hafa á sér vinstri slagsíðu og sumar hverjar verulegar.  Kemur svo sem ekki á óvart og mótmæli bráðum fyrrum ríkisstjórnarmeðlima hjárænuleg í ljósi reynslunnar.  Auðvitað er almenningur hrifinn af frystingu eigna auðmanna og aðkomu þeirra að bjarráðasjóði.  Líka skuldbreytingu heimila og mýkri gjaldþrotameðferð að ekki sé talað um fyrirhugaðar breytingar á heilbrigðiskerfinu sem skal endurskoða.    Allt væn og góð vinsældamál en árangur Jóhönnu og Co. verður metinn strax í maí.   Því segi ég:  Gefum ríkisstjórninni vinnufrið og þegjum þangað til.

LÁ      

Athugasemdir

[Pétur B. (IP-tala skráð) 28.1.2009 kl. 02:49]

Sé nú ekki ástæðu til að þegja alveg strax. 

Látum þessi 30.000t. sem var bætt við nýlega, renna til byggða landsins strax og þau verða veidd á línu.  (beitning verður að vera í landi) Beitningaskúrar út um allt, vantar bara fólk, og ég efast ekki um að fólk sem vann við útrás geti lært að beita.  Sé ekki alveg ástæðuna til þess að láta LÍÚ forkólfana fá þetta á silfurfati.

[Offari, 28.1.2009 kl. 09:46]

Fyrst hennar tími er kominn hlýtur minn tími líka að koma.

[lydur arnason (IP-tala skráð) 28.1.2009 kl. 13:20]

Sæll á ný, Pétur.   Alveg klárt með þessi 30 þúsund tonn, þau áttu að útdeilast með nýju sniði og á byggðir og smábáta.  En fráfarandi sjávarútvegsráðherra tilheyrir súrraðri klíku ósjálfstæðra sjálfstæðismanna og er maríónetta LÍU.  Sést vel á hvalveiðiútkallinu til 2013.

Sæll, Offari.  Allt á sinn tíma og sumir marga, líka Offari.  Kúnstin er að átta sig á hvenær sá tími er. 

Kveðja,

LÁ

[doddý, 28.1.2009 kl. 19:11]

hæ lýður

hennar tími og annarra vinstri hugsandi manna er komin - loksins!  kv d

[Þórður Sævar Jónsson (IP-tala skráð) 28.1.2009 kl. 21:40]

Stjórnarmyndunviðræðurnar finnst mér ekki lofa góðu.  Dagsetning kostninganna, virðist þessa stundina vera aðal ágreiningurinn.  V.G. og Framsókn vilja kjósa sem allra fyrst vegna góðrar útkomu í skoðanakönnunum.  Safylkingin vill draga það sem lengst.  Þar á bæ þarf halda landsfund til þess að kjósa varaformann.  Ágúst og Mörður stofna svo nýjan flokk.  Svona er nú Ísland í dag. ´

Jóhanna er meiriháttar.  Þeir ættluðu að losa sig viðhana.  Þótti hún alltof ósveigjaleg.  Að vita af henni í Forsætisráðherraembættinur veitir okkur gamlingjunum og öðrum sem minniháttar eru öryggi,öryggi,öryggi!!!

[Katrín, 28.1.2009 kl. 23:43]

Jóhanna á skilið öll þau fallegu og góðu orð sem fallið hafa í hennar garð   Ég tel hins vegar að hæfi hennar til ,,verkstjórnar" hafi akkúrat ekkert með val á henni sem verkstjóri ríkistjórnarinnar að gera 

Það var einfaldlega enginn annar tilbúinn að leggja sína pólitísku framtíð að veði þessa 100 daga ( skrítið hvaða talan 100 kemur oft upp í tengslum við vinstri stjórnir- ) 

Jóhanna ætlar örugglega ekki í framboð í vor og mun hætta á toppnum

[Hlédís, 29.1.2009 kl. 08:13]

Takk fyrir pistilinn, Lýður! 

Vinnufriður krefst þess að allir nýir ráðherrar hafi hreint fjárhagslegt mannorð - auk getu til að ráðast í björgunarstarfið.           > 30-hausa-skrímslið  liggur á ráns-gullinu - og mun brúka það í vörninni.

 es: Bið að heilsa Grimi A.