FLOKKSGRÚPPÍUR.

Þjóð sem dýrkar landráðamenn er á villigötum.   Raðir gjörninga, andstæðir þjóðarhag, hafa dunið á landsmönnum umliðin ár.  Mafíulýðveldið Ísland át sig innan frá fellur nú með sjálfu sér.  Fræg teiknimynd eftir sögu George Orwell rekur snilldarlega álíka atburðarrás.    Að færa úr þjóðareigu fiskimiðin eru landráð.     Eftirlaunalög sniðin að tilteknum einstaklingi eru landráð.  Að brottrekstur opinberra embættismanna skuli kosta þjóðina hundruði milljóna eru landráð.  Að handstýra sölu ríkiseigna eru landráð.  Að vanvirða jafnræði þegnanna eru landráð.   Að  þrásitja í trássi við þjóðarhag eru landráð.    Að stefna heilli þjóð í gjaldþrot eru landráð.   Sorglegt að gjörningsmennirnir eru enn á stalli margra, dáðir og upp klappaðir.  Sumum dugar ekki neitt, enginn heiðarleiki, engin auðmýkt, engin sýn, bara að vera með í einhverju liði, fá klapp á bakið, augnatillit, símhringingu.  Skítt með nokkur landráð, ekkert er ókeypis.   Meira að segja hundar ná ekki sömu tryggð og flokksgrúppíur.   Þeir láta sig þó hverfa á fengitíma.

LÁ  

Athugasemdir

[Þórður Sævar Jónsson (IP-tala skráð) 29.1.2009 kl. 23:15]

Kæri vinur!  Það er meiriháttar, hvernig þú klýfur pólitíkina til mergjar.  Og ert með ráð undir hverju rifi.  Það er bara smá ábending.  Þú sækir bara fyrirmyndina niður úr öllu valdi.  Það er eins og maður sé staddur á Austurvelli.  Áherslunar minna mann á Hjört Torfa............Burt með ríkisstjórnina.   Burt með Davíð Oddson o.sv.fr.-  Ég sé þig fyrir mér, haldandi þrumu ræðu,  Hrífa lýðinn með kýngimagnaði ræðusnilld.  Svona gerir þú.   Hugsaðu þér hagfræðilegt línurit.  Byrjar hægt og rólega með stigmagnaðri áherslu upp línuna, þegar þangað er komið, þá snar stoppar þú og æpir halilúja eða eitthvað svoleiðis. Þvínæst endurtekurðu leikinn eftir þörfum.  Þetta ræðuform nýttist frægum þýskara hérna á árum áður, og þjóðin óð eld og brennistein fyrir hann............Að lokum varðandi grúbbpíurnar.  Moli hann skreppur frá ef hann hefur þörf fyrir það.  En, þú getur alveg stólað á það, að hann kemur örugglega heim aftur.....Grúbbpíurnar láta ekki sjá sig aftur, ef þú stendur þig ekki.                              Kveðja frá Vottunum 

[lydur arnason (IP-tala skráð) 30.1.2009 kl. 00:59]

Sæll, Doddi Koddi.  Kannski held ég fyrir þig fjallræðu einhverntíma, hver veit?   Bið að heilsa vottunum og vona þú beitir þér fyrir pólitískum rétttrúnaði í söfnuðinum.

Kær kveðja,

LÁ

[Þórður Sævar Jónsson (IP-tala skráð) 30.1.2009 kl. 01:25]

 Búinn að ná sambandi við strákana hjá Obama.  Þeir voru rasandi bit, að við skyldum hafa samband.  Þeir sögðu, að þetta væri frábært verkefni, sem þeir hefðu ekki annað en ánægju með að aðstoða okkur við.