HRINGINN Í KRINGUM JÖRÐINA Á 80 DÖGUM.

Skoðanakannanir sýna vinstri græna á  flugi og sveima gammarnir hátt yfir Valhöll.   Í darraðardansi sl. mánaða hafa margar hugmyndir um breytta stjórnskipan, nýja stjórnarskrá, jafnvel nýtt lýðveldi skotið upp kollinum.  Stjórnmálaflokkarnir hafa keppst við að grípa þær á lofti og sogið með því kraftinn úr nýjum framboðum.   Kannski verður gamla fjórflokkakerfið aldrei traustara en eftir vorkosningarnar?   Og kannski vinstri grænir verði enn og aftur í stjórnaraðstöðu að þeim loknum.   Hér er ekkert gefið, enn kýs fjórði hver íslendingur sjálfstæðisflokkinn og framsókn á bullandi siglingu.  5% aukning á hvorn og öll plön vinstri flokkanna riðlast.  Nema náttúrulega ríkisstjórn morgundagsins geri einhverjar rósir,  hún hefur álíka marga daga og Fogg hafði umhverfis jörðina. 

LÁ  

Athugasemdir

[Katrín, 1.2.2009 kl. 10:23]

Í skoðanakönnunum svara kjósendur...og kjósendur hafa skv. þeim í engu breytt afstöðu sinni þrátt fyrir pottaglamur og hávaða.  Að heimta eitt og vilja annað er þjóðaríþrótt Íslendinga sem rekja má allt aftur til Þorgeirs Ljósvetningagoða, þess ,,djúpvitra", sem kvað upp úr um að allir skyldu Íslendingar einn sið hafa en ástunda annan..í leyni.

[Þórður Sævar Jónsson (IP-tala skráð) 1.2.2009 kl. 15:43]

Kæri vinur!   Innilega sammála þér að öllu leiti.  En mig langar til að koma á framfæri staðreindum frá kosningum, sem fram fóru á Ísafirði í byrjun síðustu aldar.   Þar fór fram sýslumaður staðarins,  Skúli Thorarensen.  hann féll í þeim kostningum,  sem fóru fram í heyranda hljóði.  tilhögunin var þannig,  að frambjóðendur sátu uppá sviði.  Kjósendur gengu fram og bentu á þann sem þeir vildu kjósa.   Þegar niðurstaðan lá fyrir, brá Skúli sér norður í Eyjafjörð.   Náði þingfundi þar og hlaut glæsilega kostningu.  Hann og  Heimastjórnarflokkurinn, unnu eftirminnilegan sigur, sem enn er í minnum hafður. 

[Þórður Sævar Jónsson (IP-tala skráð) 1.2.2009 kl. 19:48]

Mig langar til, að velta fyrir mér fréttum dagsins.   Þar er fyrst,  hörfmuleg niðurstaða könnunar Gallups um fylgi stjórnmálaflokkana.  Þar sannast, að vika í stjórnmálum er langur tími.   V.G. tapa miklu fylgi og kom mér ekki á óvart.   Óánægðir sjálfstæðismenn hafa tilhneigingu til þess að kjósa þá í skoðanakönnum, ef þeir eru ósáttir.   Fylgi sjálfstæðisflokksins, ríkur uppúr öllu valdi en á eftir að dala, ef þeir kjósa Bjarna Ben. sem formann.  Ég geri ekki ráð fyrir því að þeir hafi vit á þvi bezta sem þeir hafa völ á.  Það er að sjálfsögðu Hanna Birna.   Eitt get ég alveg fullyrt, að Samfylkingin á eftir að sópa að sér fylgi.  Það verður einni að þakka........Jóhönnu Sigurðardóttir.........Kona sem hefur mælst lang hæst af öllum ráðherrum í öllum skoðanakönnunum.   Ef hún stendur sig vel, sem ég efast alls ekki um munu " skrækir skjálfa.          Kastljósið var ágætt. allir í góðu skapi.   'Omar hefur aldrei verið betri.  Svei mér þá, ef hann á ekki möguleika.  Það kæmi mér ekki á óvart.  Flokkurinn okkar er í virkilega slæmum málum.   Hefur gert alla hluti öðruvísi en á að gera.   Hvað má nú til varnar verða vorum sóma?

[lydur arnason (IP-tala skráð) 2.2.2009 kl. 02:29]

Doddi, Koddi.  Held þú eigir kollgátuna með Jóhönnu.  Hún á eftir að moka frá nokkrum haugum, t.d. eftirlaunalögunum alræmdu og óvissu um þjóðareih-gn auðlinda.  Starfsdagar þessarar ríkisstjórnar verða ekki margir en haldi hún skynsamlega á spöðum mun sjálfstæðisflokkurinn sitja á varamannabekk næsta kjörtímabil.   Frjálslyndi flokkurinn brennur upp sakir illdeilna innanborðs en aðrir flokkar hugsanlega taka við hans helsta baráttumáli og sigla í höfn.  Vonum það allaveganna.

Kveðja,

LÁ