BRÆÐUR OG SYSTUR MUNU BERJAST...

Hratt kvarnast nú úr sjálfstæðismúrnum.   Ekki veit ég hvað  innmúraðir voru að hugsa en uppskeran sannlega í samræmi við það sem niður fór.    Glundroði er undanfari afhausana og ekki kæmi á óvart að framboðslistar munu breytast, jafnvel gjörbreytast.   Gróðrastíur sérhagsmuna og spillingar gerast ekki betri en þessi brjóstumkennanlegi stjórnmálaflokkur.   Skipulegt undanhald flokksmanna hefur staðið yfir umliðna mánuði en styttist væntanlega í að hver reyni að bjarga eigin skinni.    Og þá munu bræður og systur berjast og bláu blóði úthellt.  Efalítið mun mörgum þykja það hin besta skemmtan.

LÁ   

Athugasemdir

[doddý, 10.4.2009 kl. 11:51]

já okkur verður skemmt. þegar að líður kemur í ljós hið rotna eðli þeirra sem hugsa einungis um sjálfa sig og sína sjóði. kv d

[Níels A. Ársælsson., 10.4.2009 kl. 14:45]

Snapir og gnapir,
er til sævar kemur,
örn á aldinn mar.
Svo er maður
er með mörgum kemur
og á formælendur fáa.

Ríki sitt
skyli ráðsnotra hver
í hófi hafa.
Þá hann það finnur
er með fræknum kemur
að engi er einna hvatastur.

Deyr fé,
deyja frændur,
deyr sjálfur ið sama.
Eg veit einn
að aldrei deyr:
dómur um dauðan hvern.

[Þorður Sævar Jonsson (IP-tala skráð) 12.4.2009 kl. 03:56]

Tvær vikur til kosninga....Það er nokkuð ljost, að 75% kjosenda gera ser enga grein fyrir hvað þeir kjosa.  Kjosendur eru alltaf dregnir a asnaeyrunum.  Og aður en þeir  vita af, þa hafa þeir kosið yfir sig einhverja alsherja hörmung, til mikillar skemmtunar fyrir politiska sjonhverfiingamenn.  Svona endurtekur sig vitleysan a fjögra ara fresti.Politik er ekkert annað en sjonhverfingar.  Ef stjornmalamenn eru sjalfum ser samkvæmir, og lata ekki heylaþvo sig af flokkseiendum, þa eru þeir hreinlega utskufaðir og gerðir hornreka.  Þannig er það, og þannig mun að verða, þar til uppris yfirburðar maður.  Eins og sagt er i Havamalum: "Orðstir deyr ei, þeim ser goðan getur.

[Lýður Árnason, 14.4.2009 kl. 00:00]

Rétt Þórður, við bíðum yfirburðarmanns eða konu.  

LÁ