NORÐURÞING EYSTRA.

Þrátt fyrir Steingrím var kjördæmafundur norðurþings í kvöld sá lakasti til þessa.   Mikill fjöldi framboða dregur úr slagkrafti svona samkoma, einnig eru spurningar sumar hverjar vanhugsaðar og  betur óframsettar.   En gjörljóst er að nýju framboðin þurfa meiri skerpu til að gera sig gildandi, ennfremur ósannfærandi að koma fram í nafni einhverrrar hreyfingar og staglast á því að þurfa ekki að vera henni sammála.  Möller vill evru og þannig færa allt til betri vegar, Steingrímur tortyggði samninginn við alþjóðagjaldeyrissjóðinn og ekki annað að skilja á orðum hans en að skila lánsfénu til baka ef illa horfði.   Athyglisverð ummæli sem og þau varðandi sjávarútvegsmál en formaðurinn vill sérstakan kvótapott fyrir smábátasjómenn líkt og frjálslyndi flokkurinn.  Sú frjálslynda var skýr og stuttorð í málflutningi sínum en einurðina skorti.  Hana hefur framsóknarmaðurinn ungi en annað ekki.  Oddviti sjálfstæðismanna sat undir þungum skotum varðandi sín persónulegu mál og deila má um smekkvísi þeirra, hinsvegar má fólki vera ljóst að sjálfstæðisflokkurinn hefur orðið lítið með stjórnmál að gera, hann er úrbræddur klíkuflokkur, hagsmunahengja og raunar spurning til hvers hann er að bjóða fram. 

LÁ 

Athugasemdir

[Þorður Sævar Jonsson (IP-tala skráð) 17.4.2009 kl. 05:04]

For til Þingeyrar i kvöld, sem eg geri einu sinni i viku, til þess að efla heilastarfsemina við að spila bridge.  Þegar eg kom heim um eitt leytið, þa ætlaði eg, að horfa a umræðurnar a norðurlandi eystra i tölvunni,  en það var ekki hægt.  Það er alltaf verið að hrella Astþor.  Þu bjargaðir aðeins malunum með þvi að taka fundinn til umfjöllunar,...Er þetta ekki einum of, minn kæri vinur,  að halda þvi fram, að minn fyrrverandi,  sem eg hef svo miklar taugar til,  að hann se bara hagsmunahengja,  og spurning hvort hann ætti yfir höfuð,að bjoða fram.  Þu færð skamm fyrir svona munnsöfnuð.  Kannski situr forusta flokksins,  þegar nu er ein vik til kostninga og hugsar,......".hvað ma nu til varnar verða vorum soma."......En ur þvi sem komið er,  er ekki annar kostur, en að biða þess oumflyanlega, og mæta sinum örlögum.  Það væri vissulega ymislegt hægt að gera þegar gengið væri um rustirnar.  En þa mætti þessir rugludallar, sem eru bunir,  að koma Flokknum minum i þessa niðurlægingu,     hypja sig til fjalla.   og lata aldrei sja sig aftur i syiðuðu þjoðfelagi.  Og hana nu.....Hef taugar til Illuga,  Hann er nu einusiini tengdasonur Flareyrar.  Og litur ut sem ospilltur breskur ihaldsmaður. Lyður minn,.....Það er verk að vinna.

[lydur arnason (IP-tala skráð) 18.4.2009 kl. 03:26]

Doddi, Koddi....  Sjálfstæðisflokkinn skortir jarðtengingu, húmor og hugmyndafræði.  Vininn hefur borið af leið og heyrir engin áköll nema hagsmunaaðila.  Sorglegt en satt.  En Illugi er ekki barnanna verstur og aldrei að vita nema strákurinn smiti með viti.

LÁ