ÞINGLOK.

Þinglok urðu í kvöld.  Sjálfstæðismönnum tókst að hindra allar þær lýðræðisumbætur sem stjórnlagaþing, auðlindaákvæði í stjórnarskrá og persónukjör kveða á um.   Rök þeirra um fljótfærnisleg vinnubrögð og fumkennd fá sinn dóm að viku liðinni.    Evrópunefnd alþingis klofnað í herðar niður og mikil óeining virðist ríkja um þessi mál.    Borðliggjandi er að vilji menn einhverja þjóðarsátt í þessum málum er nauðsynlegt að þjóðin kveði fyrst sinn dóm varðandi viðræður eða ekki.  Þó sumum finnist þetta skref óþarft er aðferðarfræðin vænlegri til sátta.   Kjörtímabilið hefur reynt mjög á þjóðina og traust á stjórnmálamönnum snarminnkað.   Samt er unnvörpum sömu andlit í boði og þau fáu nýju flest runnin undan pilsfaldi flokkræðisins.  Ég spái minni kosningaþátttöku en áður og ennfremur að fálkinn verði sendur upp í fjall til að plokka af sér lýsnar.  Komi svo djúphreinsaður til baka og bjargi Íslandi. 

LÁ 

Athugasemdir

[Þorður Sævar Jonsson (IP-tala skráð) 19.4.2009 kl. 01:05]

Við Siggi visiteruðum kostningaskrifstofurnar a Isafirð i dag.  Af þeirri ferð okkar,  ma draga þa alyktun,  að kostningaahugi er við frostmark.  Lokað var hja ihaldinu,  V.G. voru alveg sama um okkur.  Nenntu ekki að tala við okkur,  eg for ut og fekk mer sikarettu. Við Siggi vorum i meirihluta hja Framsokn.  Hja Samfylkingunni voru feministar, og gamall karl, sem eg gat rætt við um kostningabarattuna um miðja siðustu öld.  En merkilegt nokk, þa var mesta fjörið hja Frjalslyndum.  Þar fekk maður bjor og harðfisk.  Þei höfðu latið Capasent Gallup gera fyrir sig skoðakönnun fyrir kjördæmið norðurland vestra, þar sem niðurstaðan var 9,3% fyrir Frjalslynda.  Ef satt reynist, er það ekki svo galið.  Þegar allt kemur til als, virðist folk ekki hafa nokkurn ahuga a endurnyjun stjornarskrarinnar,  með sinu auðlindarakvæði,  eða þa ESB.  Þessi tilbunu mal politikusanna, vekja ekki ahuga. Það er marktækt, hvað ahugi a öllu gafumannatali atvinnupolitikusa, fer fyrir ofan garð og neðan hja venjulegu folki.  Það er ekki undarlegt, vegna þess, sem undan er gengið.  Kristjan Andri lofaði mer þvi, að koma með grasleppu til min i vikunni.  Ef hann stendur við það, þa er það næsta vist, að eg kys Frjalslynda.  Ekkert er betra en sigin Grasleppa.

[lydur arnason (IP-tala skráð) 19.4.2009 kl. 03:55]

Sigin grásleppa er ekki verri ástæða en hver önnur til að kjósa flokk, hvað þá þegar hún stendur ekki ein og sér.

LÁ