RISA, RISA, RISA....

Sá afar hrollvekjandi mynd fyrir stundu, þýzka heimildarmynd um gangverk stærstu matvælajöfra heims.  Eina markmið þessara risasamsteypa er hámörkun arðs að kröfu hluthafa sem virðast algerlega óseðjandi.  Standi topparnir sig ekki í þessum efnum er þeim umsvifalaust sparkað.  Hagkvæmnin ræðst af stærð framleiðslueininga, launakostnaði og aðbúnaði.  Risavaxin gróðurhús, akrar, kjúklingabú, kúabú, skipakostur, allt fyrir arðsemina, mannafla skipt út fyrir vélar og tölvubúnað og meðferð hráefnis, ekki síður í lifanda lífi, svo ómanneskjulegur að honum er haldið leyndum.  Kúnninn hugsar um verðið fyrst og fremst en uppruni hráefnis og meðhöndlun er honum óviðkomandi.   Offors þessara framleiðenda er slíkt að þeir rústa samkeppni með undirboðum og gera íbúa á annars blómlegum markaðssvæðum atvinnulausa.   Framfarir eða atlaga, um það er deilt en manneskjulegt er það ekki.  Ég held að mannkynið allt þurfi að endurskoða afstöðu sína til þessara mála, íslendingar með sínar verðmætu auðlindir gætu riðið á vaðið.   Þó þjóðarfleyið sé enn á strandstað er betra að bíða eftir flæðinu þó annað sé freistandi.  Skiptir ekki máli hvort það sé ESB eða AGS, björgunargjaldið mun verða afsal auðlinda.  Hræðsluáróður sem víða heyrist um stökk aftur í tímann ætti að vekja okkur til umhugsunar um eitt:  Var samfélagið eitthvað verra þá en nú? 

LÁ

Athugasemdir

[Hlustaðu á hinn tæra tón (IP-tala skráð) 20.4.2009 kl. 09:20]

Auðlindirnar, vatnið og fiskurinn og orkan eru samkvæmt strákunum í eigum útvaldra. Vonda vinstra fólkið er hins vegar að spá í að þjóðnýta aftur auðlindirnar. Því er mótmælt harðlega, af bláum bæjarstjórunum sem reka sveitarfélögin sem einmitt blæða vegna kerfisins. Þeir vilja viðhalda kerfinu og að auðlindin verði vina þeirra áfram.

[lydur arnason (IP-tala skráð) 20.4.2009 kl. 18:25]

Kæri tæri.  Bláæðar eru aðfærslupípur hjartans, rauðæðar (slagæðar) fráfærsla sömu pumpu.    Bláæðarnar eru farnar að safna í sig hreti og skila ekki lengur sínu.  Rauðæðarnar hafa því ekki miklu að dæla en í stað þess að reyna kreista úr pumpunni væri lífvænlegra að dæla því sem þó enn er til skynsamlega og glæða þannig háræðanetið til vaxtar svo meira verði til skiptanna.  Skilurðu þetta, kæri tæri?

LÁ 

[þorður Sævar Jonsson (IP-tala skráð) 20.4.2009 kl. 23:11]

Þessi pistill þinn og það sem þu upplifðir, við syningu heimildarmyndarinnar, sem þu segir fra, er okkur Vestfirðingum vel kunn, siðastliðin rum tuttugu ar...........Nu þarf að taka fram Kommunistaavarp Karls Max og Engels.....Rauða Kverið, Maos.  Og jafnvel Mine Kamp, Hitlers.   Framundan er ekkert annð, en Bloð Sviti og Tar.    

     Kjosum Frjalslynda.!!!

     En ekki þa, sem öðllu lofa,  og svikja ALLT.

[lydur arnason (IP-tala skráð) 21.4.2009 kl. 01:41]

Samkvæmt þinni jöfnu, Þórður, grauti maður saman Marx, Engels, Mao og Adolf er útkoman frjálslyndi flokkurinn.   Skerpa þín er engu lík.

LÁ