KOSNINGAÚRSLIT.

Afstaðnar kosningar breyttu minnihlutastjórn samfylkingar og vinstri grænna í meirihuta.  Vægi samfylkingar í þessu samstarfi er meira en menn hugðu og evrópuumræðunni mjög haldið á lofti.  Samfylkingu er lítt refsað fyrir hlut sinn í bankahruninu og framsókn beinlínis hampað.  Eflaust má þakka það nýjum formanni sem hefur með þessum úrslitum staðist sína fyrstu alvöru prófraun.   Græningjar áttu von á meiru en skiluðu engu að síður sínum stærsta sigri til þessa og túlkun fjölmiðla á evrópuslagsíðu þessara kosninganiðurstöðu að mínum dómi ofmetin.  Fróðlegt verður að sjá hvort og hvernig stjórnarflokkarnir höndla þetta grjót.  Sjálfstæðismenn hlutu slæma útreið og skiljanlega, viðskilnaðurinn ömurlegur, viðleitnin engin og endurnýjunin enn minni.   Frjálslyndir uppskáru í samræmi við það sem niður fór, ýfingar og illdeilur flokksmanna skiluðu annars ágætum stefnumiðum utanþings.  Borgarahreyfingin fyllir nú þeirra skarð og fyrir marga frískandi stormsveipur.   Flestir spá mikilli þrautagöngu næstu ríkisstjórnar og stuttu kjörtímabili.   Ætli ráðamenn að forgangsraða evrópumálunum fram fyrir allt annað mun sú spá óhjákvæmilega rætast.     

LÁ 

Athugasemdir

[Úmbaúmbaúmba (IP-tala skráð) 27.4.2009 kl. 15:25]

...djöfull verður gaman þegar ég og þú sitjum á Rue de Rivoli sem fullgildir aðilar að Zambandinu með bleksvartann espresso sem við borguðum fyrir með evrum (okkar mynt) og fögnum 100 vikna edrúafmæli þjóðarinnar...

[lydur arnason (IP-tala skráð) 27.4.2009 kl. 16:21]

Á ég að skamma bassann eða þig?

LÁ

[Þorður Sævar Jonsson (IP-tala skráð) 27.4.2009 kl. 23:40]

Er með pólitíska timbuemenn.

[lydurarnason (IP-tala skráð) 28.4.2009 kl. 00:29]

Kæri Doddi Koddi.  Hvernig blandast saman pólitískir timburmenn og hefðbundir?

LÁ

[Þorður Sævar Jonsson (IP-tala skráð) 28.4.2009 kl. 01:43]

Kosningarnar fór eins og við mátti búast.  Frjálslyndir heyra sennilega sögunni til.  Þetta var skemmrilegur tími, sem ég hefði ekki viljað fara á mis við.  Eg er leiður yfir því, að stelpan í þriðja sæti Samfylkingingarinnar, í Norð Vest náði ekki  kjöri.  En litlu munaði.  Það voru þrettá þingsæti sem töpuðust.  Níu frá Sjálfstæðisfl., fjögur frá Frjálslyndum.  Mér fynnst athyglisvert, að af þeim þrettán þingsætum,  sem Sjálfstæðisfl. og Frjálslyndir töpuðu,  þá fékk Samfylkingin ekki nema tvö.  Mér segist svo hugur,  að ef stjórnin stendur sig ekki, þá komi Sjálfstæðisfl. og heimti sitt til baka.  Ég tala nú ekki um, ef útstsikanir verði til þess, að þeir sem nutu styrkja fra Bónusi og Fl Grup, verði sendir út í hafsauga.  Ég vil fyrir alla muni,  að Áni Johnsen, haldi sínu þingsæti.  Hann er sterkur kjördæmisþingmaður.  Ég veit, að Skaftfellingar, nánast elska hann.  Árni er búinn að taka út sinn dóm, og er einsog kórdrengur í samanburði við frjálshyggju grjónapungana.  Ég get ekki af því gert, að mér fynnst lítið til stjórnmálafræðinga koma. Þeir ræða um það sem allir vita,  með sitt prófskýrteini, en ég er viss um það, að ég og þú erum miklum klárari.....Skiftir svosem engu máli.  En é hlakka til, að kljúfa til mergjar, með þér, vandamálin.  Við höfum svosem ekki átt í neinum vandræðum með það.  Ekki spillir þaðfyrir, að nú erum við á öndverðum meiði.

[Þórður Sævar Jónsson (IP-tala skráð) 28.4.2009 kl. 01:53]

Hvað eru hefðbundnir timburmenn?

[lydurarnason (IP-tala skráð) 28.4.2009 kl. 01:59]

Doddi Koddi.

Hefðbundna timburmenn þekkir þú manna best en hvað meinarðu með því að vera á öndverðum meiði?  Elskum við ekki báðir hafið, fjöllin og GóGó?

LÁ

[Þórður Sævar Jónsson (IP-tala skráð) 28.4.2009 kl. 02:31]

Ekkert rugl.  Það næsta sem ég hef komist í kynni við timburmenn, er að sjá þig daginn eftir.......Að öðru leiti er ég sammála þér.