FÁTÆKTARGILDRAN ÍSLAND.

Ísland er að verða að fátæktargildru, skuldafenjasvæði sem ógerlegt er að komast upp úr.   Vissulega var lánagleðin mikil og stundum án forsjár en hvatning lánadrottna og gylliboð vantaði ekki.   Væntingar um endalausan uppgang bjó til kastala úr engu.  Og nú, þegar þetta ekkert fellur ofan í sjálft sig, krefja lánadrottnar skuldara sína um fjárhagsleg skil á þessu fretlofti.  M.ö.o. skal almenningur borga í alvöru peningum fyrir þykjustu væntingar fjárglæfra- og óreiðumanna.  Því skil ég vel fólkið sem íhugar að hætta "skuldaskilum".   Íslenzka ríkið þarf að gera nákvæmlega þetta, neita að borga og verja þegnanna gagnvart ágangi lánadrottna og spákaupmanna.  Rúllettunni er lokið og fráleitt að tapið lendi á öðrum en viðstöddum.    Hækkun afborgana vegna fjármálaóreiðu útlánastofnanna, hugsanlegrar aðfarar að gjaldmiðli,  misræmis í lánakjörum og hreinna blekkinga í garð lántakenda verður að draga til baka og henda skuldahaugnum á þá sem fyrir standa.   Þetta er brýnasta mál komandi ríkisstjórnar hver sem hún verður.   Evrópa má bíða um sinn. 

LÁ

Athugasemdir

[Jóna Kolbrún Garðarsdóttir, 3.5.2009 kl. 03:18]

Heyr, heyr.  Frábær færsla

[Þórarinn Þ Gíslason (IP-tala skráð) 3.5.2009 kl. 03:51]

Sæll Lýður.

Þar mæltir þú fyrir " Lýðinn" og fórst vel úr hendi !

Takk fyrir góða færslu.Og ég er þér sammála.

Kveðja.

[Þórður Sævar Jónsson (IP-tala skráð) 4.5.2009 kl. 00:21]

Það er hreint og klárt, að ekkert er framundan í þessu þjóðfélagi.....Annað en glgjör upplasusn.  Svo einfalt er það, og þarf ekki neina vit glóru til þess að átta sig á því.  Fólk hættir að borga í tómu tilgangsleysi. Jóhanna ætlar að redda þeim sem borga.  Sveimér þá er liðið algjörlega veruleikafirrt?  Pólitíkusar ráða ekkert við ástandið.  Það  er deginum ljósara.......,og eiga eftir að hlaupa í skjól við þjóðstjórn, sem vissulega kemur til með að verða, með öllu ráþrota, ef þá nokkur maður mundi fást þess, að fórna sé í slíka vonleysu.....Ástandið er þvílíkt, að enginn þjóð okkur nákomin,  vill neitt með okkur hafa.  Það væri kanski ráð, að setja þjóðina á uppoð með því skilyrði, að taka hvaða tilboði sem er, eða hafna öllum.....Ég legg til málanna, að leitað verði til Arnþórs Helgasonar, og hann beðinn um, að tala við vini sína í KÍNA......Það mun virka.

[Lýður Árnason, 4.5.2009 kl. 00:35]

Sæll, Doddi Koddi.  Svartsýnn ertu og það svo mjög að manni sundlar.  Líklegast best að flýja land....

LÁ