ÓNÝTT SUMAR.

Knattspyrnuvertíðinni lauk í dag.  Allir naglarnir mættir nema kapteinninn og bæjarstjórinn sem báðir glíma við kreppur.  Ungu mennirnir klæddu þá eldri í appelsínugula samfylkingarboli með auglýsingu frá varnarmálastofnun enda vörnin afar þétt frá byrjun, eitt sjálfsmark í anda kapteinsins leit þó dagsins ljós í blábyrjun.   En svo komust ungu eldhugarnir ekki lengra.  Hver snilldin rak aðra og þó orkuforði ungviðisins hafi verið mun meiri, fótafimi og snerpa áttu þeir aldrei möguleika gegn stöðu en sterku liði reynslunnar.   Lokahnykkurinn var hjólhestur.  Að tapa síðasta leik vetrarins er ömurlegt hlutskipti og eyðileggjandi sumarlangt.   En svona er boltinn, þeir einir vinna  sem eru yfir í leikslok.   Þakka ykkur, drengir, hér með fyrir vertíðina.

LÁ 

Athugasemdir

[Þórður Sævar Jónsson (IP-tala skráð) 7.5.2009 kl. 10:22]

Man ég eftir knattspyrnukeppni, sem fram fór í íþróttahúsinu hérna á Flateyri fyrir nokkrum árum.  Þar áttust við lið sem Hinni Kristjáns fór fyrir, hinsvegar hópur sem þú stjórnaðir. Þú varst svo séður, að þú lést taka leikinn upp.  Þarf ekki að ræða það hvernig leikar fóru.  Þið voruð gjörsamnlega niðurlægðir.  Önnur eins markasúpa hefur ekki sést, í fótbolta, í manna minnum......Þá kom vidioupptakan sér vel.  Hún var sýnd á næsra Stúdúngi, og þá kom í ljós, að þið höfðuð unnið  6-1.

[sigurður j hafberg (IP-tala skráð) 7.5.2009 kl. 13:33]

Já Doddi ég lék þennan leik á móti Lýð óla popp og fleiri vitleysingjum. Við höfum verið að spái í að kæra þessa fölsun til Hsí eða ksí.Fór ekki leikurinn 14-2 fyrir okkur

kv sig haf

[lydurarnason (IP-tala skráð) 7.5.2009 kl. 17:38]

Leitt þegar menn afneita skrásetningum hvort sem á mynd eru eða letri.  Óli POPP afneitar enn hreinsunum Stalíns og telur þær sögufalsanir.   Niðurlæging ykkar forðum í Flateyrarhúsi er næg og því frábið ég mér svona undanslátt.

LÁ