SVIKAMYLLUR KVÓTAFRAMSALSINS.

Landsamtök íslenzkra útvegsmanna og samtök atvinnulífsins,  vöggur hafta og eiginhagsmuna senda nú ríkisstjórn firningarleiðar tóninn.    Kollsteypa og hrun, gjaldþrot og þrengingar, aðför og útför, tilræði  og endalok.  Margþvældir frasar en íslenzkur almenningur þarf ekki að hræðast kollvörpunarrugl þessara aðila og ástæðan er þessi:  Maður kaupir einn fisk.  Banki leggur til annan.  Annar maður kaupir báða fiskana.  Bankinn leggur þá til aðra tvo.  Þriðji maður kaupir alla þessa fiska.  Bankinn leggur þá til fjóra í viðbót.  Mennirnir sem selja tvöfalda söluandvirðið og bankinn leggur aldrei alvöru peninga í púkkið, blæs einungis lofti svo myllan geti snúist.  Enda, um leið og bankarnir hurfu af sjónarsviðinu datt allt í dúnalogn og allar þessar svikamyllur stöðvuðust.   Og ástæða endalausra upphrópana í garð firningarleiðar stafa ekki  vegna áhyggja af rekstrargrundvelli sjávarútvegsfyrirtækja heldur syrgja menn upprætingu fyrrnefndra svikamylla.  Handhafar vilja geta selt sínar aflaheimildar áfram með vænum hagnaði.  Firningarleið hamlar því og veldur þ.a.l. þessum titringi.   En þjóðin, fólkið í landinu og ríkisstjórnin ekki sízt getur loks fagnað þeim tímamótum að hafa nægilegan þingstyrk til breytinga.   Tækifærið verður að nota og árangurinn mun ekki láta á sér standa.  Og það er kannski einmitt það sem margir hræðast. 

LÁ   

Athugasemdir

[Úmbaúmbaúmba (IP-tala skráð) 9.5.2009 kl. 10:39]

...þeir koma síðan fram með hugmynd um að setja smá meiri höft á leigu. Það er mikilvægt að stjórnvöld láti ekki undan kröfum útvegsbændanna.

[lydur arnason (IP-tala skráð) 9.5.2009 kl. 23:42]

Úmbabajá, nú þarf að standa í lappirnar og láta kné fylgja kviði.

LÁ