"EKKI SKRIFA UNDIR!"

Stærsta vandamál nýmyndaðrar ríkisstjórnar er evrópufíkn samfylkingar.   Sumarþingi var ætlað að koma þessari áráttu í farveg og miklu brýnni mál látin danka.   Uppgjör bankahrunsins, skuldir heimilanna, verðtrygging, vextir og auðlindamál, öllu skotið á bak við ESB-aðild.  Þegar ísbjörgin (icesave) kom upp vildi samfylkingin taka pólitískan hælkrók á málið, ekki lagalegan.   Það var og gert, efalítið til að halda ESB-hurðinni opinni.  Sjálfstæðismenn stóðu sig þá ekki í stykkinu en formaður vinstri grænna andæfði kröftuglega.   Sá sami Steingrímur situr nú frammi fyrir undirskrift þessara ábyrgða, tilkomnar vegna skulda óreiðumanna og glórulausra ákvarðanna stjórnmálamanna.  En getur þjóðin fórnað fjárhagslegu sjálfstæði sínu, ávinningi fullveldistímans, lífskjörum sínum og vonum vegna evrópuglýju eins flokks?   Ég segi:  Steingrímur STOPP!  EKKI SKRIFA UNDIR og haltu þig við fyrri yfirlýsingar og sannfæringu með eða án samfylkingar.    Annað eru hrein og klár og landráð.

LÁ

Athugasemdir

[Sigurður Sveinsson, 6.6.2009 kl. 07:56]

Þetta eru staðreyndir málsins í hnotskurn. Það er alveg yfirgengilegt ef VG ætlar að láta undan þráhyggju SF í ESB málinu. Langbest væri að rjúfa stjórnarsamstarfið strax og setja SF endanlega út í kuldann. Jóhanna hin heilaga virðist tilbúinn að fórna sjálfstæði þjóðarinnar og setja hana í skuldaklafa áratugi fram í tímann.