FORINGI Á GLAPSTIGUM.

Svo virðist að dráttur á frágangi icesave dragi frekar úr stuðningi við samninginn en hitt.  Atkvæðagreiðslan stefnir í að verða mjög tvísýn og aftur eru vinstri grænir í aðalhlutverki.  Þrýstingur ráðamanna útan úr heimi gerir lítið annað en að hleypa illu blóði í fólk og því sjónarmiði flaggað að inngangan í ESB sé of dýru verði keypt.  Óðagot hjálpaði ekki íslenzku þjóðinni í bankahruninu og mun heldur ekki gera það hér.  Höfnun icesave mun tryggja Íslandi tíma, betri samningsaðstöðu og sýna viðsemjendum að ganga ekki að neinu vísu.  Ákafi samfylkingar til samþykktar vekur upp þá spurningu hverra erinda hún gangi  en flokkurinn virðist hreinlega ólmur í að sjá Ísland niðurlægt bæði heima fyrir og á alþjóðavísu.  Þátttaka vinstri grænna í þeim leik gæti orðið þeim og þjóðinni skeinuhætt.   Síðast fylgdu þeir foringjanum, hvað gera þeir nú?

LÁ   

Athugasemdir

[Úmbarúmbabúmm (IP-tala skráð) 22.7.2009 kl. 01:25]

Þeir mæla ekki orð en fylgjönum eftir í hóp (og þú ert velkominn)! Minni á að bestu lögin byrja í E....

[lydur arnason (IP-tala skráð) 22.7.2009 kl. 08:29]

Efinn og elskan byrjar líka á E, sendi nú afganginn af nýja texta lagsins sem er auðvitað í E.  LÁ

[Þorður Sævar Jónsson (IP-tala skráð) 23.7.2009 kl. 00:02]

Þegar sagt er: "Það er ástæða til að ætlast til", að allt fari á réttan veg, ef við samþykkjum hitt eða þetta,  er þvílíkt bull, að ekki nokkru tali tekur.  Satt að segja er ástandið, og botnlausar uppákomur, sem á okkur dynja slíkar, að maður óskar þess, að maður vakni upp við það, að þetta hafi bara verið hryllileg martröð.

[lydur arnason (IP-tala skráð) 23.7.2009 kl. 00:13]

Doddi Koddi!  Loksins þegar þú gerir athugasemd mælir þú manna heilastur!  Án þín yrði veröldin fátækari og frjálslyndi flokkurinn einu atkvæði sem því nemur.

LÁ