ÞURSAFLOKKINN Á ÞING.

Við eltumst við sauðaþjófa en látum bankaræningja eiga sig, kvað snillingurinn Egill Ólafsson áður en Þursarnir létu vaða á sviðinu í Hljómskálagarðinum í kvöld.  Matarbakki Þursanna er einn sá kræsilegasti í íslenzkri tónlistarsögu bæði hvað tóna og texta varðar.  Megi grúppan lifa lengi enn.  Frá Hljómskálagarðinum var haldið í humar, dásamlegt gúmmelaði sem varla er hægt að skila.   Yfir skeljunum var Ísbjörgin rædd og kom til orðaskipta milli mín og sessunautanna á vinstri kantinum,  vík á milli vina sem seint verður brúuð.  Flugeldasýningar ásamt gleðigöngum eru orðnar helstu sameiningarstundir þjóðarinnar og sprengjur kvöldsins sætti það sem enn stóð út af borði.  Annars er manni að verða ljóst að pólitískar umræður vekja æ minni hrifningu, sem er slæmt á tímum sem þessum, en kannski ástæðan sé sú að leitin að sannleikanum vegi minna en flokkshollusta.  Spurði enda í leigubílnum hvað væri hægri og hvað væri vinstri og ekki stóð á svörum.  Hinsvegar þegar spurt var hvað væri upp og hvað væri niður kom ekkert.   Grímur var þá reyndar farinn.   En nú vil ég Þursaflokkinn á þing.

LÁ  

Athugasemdir

[Þorður Sævar Jonsson (IP-tala skráð) 23.8.2009 kl. 04:44]

Ekki vitlausara,  en hvað annað !!!

Lengi lifi Borgaraflokkurinn  !!!!!!!!

[Úmbaúmbbb (IP-tala skráð) 23.8.2009 kl. 23:11]

Ég hélt að Vagnstjórinn kysi Frjálslynda flokkinn....

[Þorður Sævar Jonsson (IP-tala skráð) 24.8.2009 kl. 20:37]

Lyður minn !

Hver er þessi-----Obbobobb???

Er þetta kanski Guðni Ágústson ???

[lydur arnason (IP-tala skráð) 25.8.2009 kl. 01:01]

Vagnstjórinn var á sínum tími bílstjóri Borgaraflokks Alberts en varð landlaus við andlát hans.  Þó illa byrji hjá Frjálslyndum hefur vagnstjórinn ekki misst trúna og reyndar genginn í Jehóva í ofanálag. 

Obbobbobobb er huldumaður innan fullveldissinna og á að líkindum glæsta framtíð fyrir sér í stjórnmálunum.

LÁ